शाहू मिलमधील आयटी एक्स्पो प्रदर्शनाचा अभियांत्रिकी शाखेच्या विद्यार्थ्यांनी लाभ घ्यावा -जिल्हाधिकारी 

◆ आयटी असोसिएशन ऑफ करियर संधी मार्गदर्शन अंतर्गत वर्कशॉप संपन्न
कोल्हापूर  :लोकराजा छत्रपती शाहू महाराज स्मृती शताब्दी वर्ष सांगता समारंभ व कृतज्ञता पर्व अंतर्गत जिल्हा प्रशासनाच्या वतीने व आयटी असोसिएशन ऑफ कोल्हापूर यांच्या प्रयत्नातून शाहू मिलमध्ये विविध कार्यक्रमांचे आयोजन केले आहे. यामध्ये विद्यार्थ्यांकरिता करियर संधी मार्गदर्शन अंतर्गत आर्टिफिशियल इंटेलिजन्स अँड मशीन लर्निंगचे डॉ. संजय दाभोळे यांची कार्यशाळा घेण्यात आली. यामध्ये 350 विद्यार्थी सहभागी झाले. कार्यक्रमास असोसिएशनचे अध्यक्ष प्रताप पाटील, सचिव रणजीत नार्वेकर, खजिनदार राहुल मेंच, संचालक मंदार पेटकर,आदिनाथ पाटील, सूर्यकांत दोडमिसे, धवल चौगुले, मनीष रजगोळकर, प्रसना कुलकर्णी उपस्थित होते.
बुधवार 10 मे रोजी सकाळी 11 वाजता न्यू ट्रेंड्स इन नेटवर्किंग, दुपारी 2 वाजता आयडिया टू आयपीओ,m त्याचबरोबर 12 मे 2023 रोजी कोल्हापुरातल्या आयटी वाढीबद्दल चर्चा करण्याकरिता एक सत्र आयोजित केले आहे. पदवी व पदविका घेऊन कॉलेज व युनिव्हर्सिटीमधून बाहेर पडलेल्या विद्यार्थ्यांसाठी जॉबफेअरचे आयोजन 13 आणि 14 मे 2023 रोजी करण्यात आले आहे. या सर्व कार्यक्रमांचा लाभ अभियंता शाखेच्या जास्तीत जास्त विद्यार्थी- विद्यार्थिनींनी तसेच नागरिकांनी घ्यावा, असे आवाहन जिल्हा प्रशासन व आयटी असोसिएशनने केले आहे.