ओळख महाराष्ट्र संस्कृतीची … कार्यक्रम संपन्न

कोल्हापूर :  महाराष्ट्र देशा.. राकट देशा .. कणखर देशा .. अशा या कणखर महाराष्ट्रातला इतिहास आहे… भूगोल आहे. एक समृद्ध परंपराही लाभली . ही परंपरा अर्थातच अध्यात्माची…परमार्थाची आहे. याच परंपरेचे दर्शन घडविणारा , कोल्हापूरकरांची सांस्कृतिक भूक भागविणारा ; वारसा समृद्ध कलेचा …. महाराष्ट्राची लोकधारा; हा कार्यक्रम आज सांय 6 ते 9 या वेळेत पार पडला. याचे उद्‌घाटन ख्यातनाम सिने-नाटय अभिनेते आनंद काळे यांच्या हस्ते झाले.
महाराष्ट्राची परंपरा, ओळख. संस्कृती सांगणाऱ्या या कार्यकमाची सुरुवात भोपाळीने झाली . त्यानंतर कृषी तसेच आदीवासी संस्कृतीची ओळख करून देणारी गीते, महाराष्ट्राची ओळख अर्थातच .. लावणी ,अध्यात्मिक गीते , भजन जागर -गोंधळ , विरश्रीयुक्त पोवाडा , शौर्य गीते, व्यक्तींच्या दांभिकतेवर प्रहार करून त्याला जमिनीवर आणणारे भारुड .आदी गीत – गायनाने शाहू मिलचा परिसर आनंदून गेला. भालकर्स अँकॅडमी चे संजय भालकर आणि त्यांच्या टीमने या कार्यक्रमाद्वारे शाहू कृतज्ञता पर्वाला चार चाँद लावले. विशेषता कार्यक्रमाच्या शेवटी एक गरीब मिल कामगार व छत्रपती शाहू महाराज हे एकमेकांना अन्नाचा घास भरवितात हा भावनिक प्रसंग पाहून उपस्थित प्रेक्षक गलबलून गेला .या संगीतमय रजनीला साथ दिली ती गायक,संगीत संयोजक महेश सोनुले , गायिका विदा सोनुले, बाल शाहीर सारंग सोनुले ' शाहीर कृष्णात पाटील तर ढोलकी – गुरु ढोले ,ऑक्टोपॅड – स्वानंद
जाधव , की बोर्डवर साथ दिली ती प्रदीप फिरंगे यांनी . या कार्यक्रमासाठी तितकेच बहारदार निवेदन केले ते विश्वराज जोशी यांनी . तब्बल तीन तास चाललेल्या या कार्यकार्यक्रमाला रसिक – दर्दी प्रेक्षकांनी मोठ्या संस्थेने उपस्थिती दर्शवली .