कन्यादान योजनेमधून 32 जोडप्यांचा सामूहिक विवाह सोहळा

भारतरत्न डॉ. बाबासाहेब आंबेडकर यांच्या 132 व्या जयंतीनिमित्त सामाजिक न्याय पर्व अंतर्गत सामाजिक न्याय विभाग व श्री अरुण ढोंगळे चारिटेबल ट्रस्ट, घोटवडे ता. राधानगरी यांच्या संयुक्त विद्यमाने दिनांक 22 एप्रिल 2023 रोजी श्री बाळूमामा देवालय अमदापुर तालुका भुदरगड येथे 32 जोडप्यांचा सामुदायिक विवाह सोहळा थाटात झाला, अशी माहिती समाज कल्याण विभागाचे सहाय्यक आयुक्त विशाल लोंढे यांनी दिली.

सामाजिक न्याय व विशेष विभागाच्या वतीने सामाजिक शैक्षणिक व आर्थिक विविध कल्याणकारी योजना राबविल्या जातात. सामाजिक न्याय विभागाच्या वतीने सामुदायिक विवाह सोहळ्यामध्ये अनाथायी खर्च करणे व त्यासाठी प्रसंगी कर्जबाजारी होणे व त्यामुळे आर्थिक समस्या निर्माण होतात. हे प्रकार टाळण्यासाठी अनुसूचित जाती नवबौद्ध तसेच विमुक्त जाती, भटक्या जमाती विशेष मागास प्रवर्गातील आर्थिक कमकुवत असलेल्या मागासवर्गीय कुटुंबांसाठी सामुदायिक विवाह सोहळ्यामध्ये सहभागी होऊन विवाह करण्यासाठी सामाजिक न्याय व विशेष सहाय्य विभागांतर्गत कन्यादान योजना सुरू करण्यात आली असल्याची माहिती श्री लोंढे यांनी दिली.

या विवाह सोहळ्यामध्ये सहभागी होणाऱ्या प्रत्येक जोडप्यास एकूण 20 हजार रुपये तसेच नोंदणी क्रमांक सहभागी संस्थेस चार हजार रुपये इतकी आर्थिक सहाय्यही देण्यात येते, असे श्री लोंढे यांनी सांगितले.तरी अनुसूचित जाती नवबौद्ध तसेच विमुक्त जाती, भटक्या जमाती विशेष मागासवर्गीतील जास्तीत जास्त कुटुंबांनी कन्यादान योजनेचा लाभ घेण्यासाठी आपल्या विवाहयोग्य पाण्याची नाव नोंदणी करावी, असे आवाहन की त्यांनी केली.

या विवाह सोहळ्यात जिल्हा दूध संघाचे माजी चेअरमन अरुण ढोंगळे, उपाध्यक्ष अभिषेक अरुण डोंगळे, श्री अरुण डोंगळे चॅरिटेबल ट्रस्ट घोटाळे ता. राधानगरी तसेच समाज कल्याण कार्यक्रमाच्या वतीने गृहपाल प्रकाश नाईक, श्रीमती सविता शिर्के व तालुका समन्वयक सुरेखा डवर, भुदरगड ज्येष्ठ नागरिक संघाचे श्रीकांत शहा व मारुतीराव टिकुगडे तसेच विवाहित जोडप्यांना आशीर्वाद देण्यासाठी नागरिक उपस्थित होते.