no images were found
कोल्हापूरच्या परिवहन कार्यालयातील नुतनीकरणवेळी हटवलेले महापुरुषांचे फोटो परत न लावल्यामुळे शिवसैनिकांची निदर्शने
कोल्हापूर : कोल्हापूर प्रादेशिक परिवहन कार्यालयातील छत्रपती शिवाजी महाराज, डॉ. बाबासाहेब आंबेडकरांचा फोटो काढण्यात आले आहेत. नूतनीकरण करताना दोन्ही महापुरुषांचे फोटो प्रादेशिक परिवहन कार्यालयाकडून काढण्यात आले होते. नूतनीकरण पूर्ण होऊन सहा महिने झाले तरी दोन्ही महापुरुषांचे फोटो लावलेले नाहीत. त्यामुळे शिवसैनिक आक्रमक बनून प्रादेशिक परिवहन कार्यालयाच्या दारात निदर्शनं करत आहेत. हे फोटो लवकरात लवकर लावण्यात यावेत, अशी आमची विनंती आहे, अशी आंदोलनकर्यांची विनंती आहे. या आंदोलनावेळी शिवसैनिकांनी या दोन्ही महापुरूषांचे फोटो घेऊन आले आहेत आणि परिवहन खात्याने जरी हे फोटो हटवले तरी आम्ही फोटो लावणारच, या भूमिकेवर ठाम आहेत. शिवसैनिक छत्रपती शिवाजी महाराज आणि डॉ. बाबासाहेब आंबेडकर यांचे फोटो प्रादेशिक परिवहन कार्यालयात लावणार आहेत.
