मुंबई : पॉंडीचेरी , तमाशा लाईव्ह, सहेला रे. या प्रत्येक चित्रपटाची काहीतरी खासियत आहे.असे विविध जॉनरचे हे चित्रपट प्रेक्षकांना एकाच ठिकाणी म्हणजेच प्लॅनेट मराठी ओटीटीवर पाहता येणार आहेत.अशी माहिती चित्रपटांचे प्रस्तुतकर्ता अक्षय विलास बर्दापूरकर यांनी दिली.

           स्मार्टफोनवर चित्रित होऊन चित्रपटगृहात प्रदर्शित होणारा ‘पॉंडीचेरी’ हा भारतातातील पहिला चित्रपट ठरला असून पत्रकारांची ‘ब्रेकिंग न्यूज’साठीची पळापळ, एकमेकांबद्दल असलेली ईर्षा अधोरेखित करणारा ‘तमाशा लाईव्ह’ हा चित्रपट म्हणजे प्रेक्षकांसाठी सांगीतिक मेजवानी आहे. चित्रपटाची संपूर्ण कथा ही गाण्यांच्या माध्यमातून पुढे जाते. तर आयुष्यात कौटुंबिक जबाबदाऱ्या पार पाडताना एकमेकांना गृहीत धरत नात्यातील हरवून गेलेला गोडवा पुन्हा मिळवण्यासाठीची ‘ती’ची धडपड ‘सहेला रे’ मध्ये दिसत आहे.  

          ‘पॉंडीचेरी’ या चित्रपटाचे दिग्दर्शन सचिन कुंडलकर यांनी केले असून या चित्रपटात सई ताम्हणकर, अमृता खानविलकर, वैभव तत्ववादी, नीना कुळकर्णी यांच्या प्रमुख भूमिका आहेत. तर ‘सहेला रे’ या चित्रपटाचे दिग्दर्शन मृणाल कुलकर्णी यांनी केले असून या चित्रपटात मृणाल कुलकर्णी, सुबोध भावे आणि सुमित राघवन यांच्या प्रमुख भूमिका आहेत. संजय जाधव दिग्दर्शित ‘तमाशा लाईव्ह’ या चित्रपटात सोनाली कुलकर्णी, सचित पाटील, सिद्धार्थ जाधव आणि हेमांगी कवी प्रमुख भूमिकेत आहेत.