कोल्हापूर  : श्री क्षेत्र सिद्धगिरी मठ कणेरी येथे सुरु असलेल्या सुमंगलम पंचमहाभूत लोकोत्सवात महावितरणकडून  घरगुती ग्राहकांसाठी ४० टक्के अनुदान असलेली केंद्रसरकारची  सौरछत योजना, शेतीला दिवसा वीज मिळावी, यासाठी राबविण्यात येत असलेली मुख्यमंत्री सौरकृषी वाहिनी योजना या योजनांचा प्रामुख्याने प्रचार-प्रसार करण्यात येत आहे. त्यासोबतच बचत हीच निर्मिती या सुत्रानुसार वीजेचा कार्यक्षम वापर व वीजबचत, महावितरणच्या ऑनलाईन ग्राहकसेवा, गो ग्रीन ही पर्यावरणपूरक सेवा, सुरक्षित वीजवापर, ग्राहकांनी नियमित वीज बिल भरावे, वीजचोरी रोखणे या विषयासंदर्भात जनजागृती करण्यात येत आहे. 

      सुमंगलम पंचमहाभूत लोकोत्सवासाठी सुरळीत वीज पुरवठा व्हावा,याकरिता महावितरणकडून जलद गतीने विद्युत सुविधांची उभारणी करण्यात आली. याबद्दल मुख्यमंत्री एकनाथ शिंदे, पालकमंत्री दीपक केसरकर यांनी महावितरणच्या कामाचे कौतुक केले.