no images were found
“लोकनाथ चषक” टेनिस बॉल क्रिकेट स्पर्धेचा नवनाथ मित्र मंडळ प्रणित झेंडा चौक मानकरी
कोल्हापूर, प्रतिनिधी : शिवसेना पक्षाचे मुख्यनेते आणि मुख्यमंत्री मा.ना.श्री.एकनाथ शिंदे साहेब यांच्या वाढदिवसानिमित्त शिवसेना कसबा बावडा विभागाच्या वतीने आयोजित “लोकनाथ चषक” टेनिस बॉल क्रिकेट स्पर्धेच्या अंतिम सामन्यात थरारक विजय मिळवत कसबा बावड्याच्या नवनाथ मित्र मंडळ प्रणित झेंडा चौकाने विजेतेपदावर मोहर उमटवली. दि.१४ फेब्रुवारी पासून कसबा बावड्यातील पॅव्हेलियन ग्राउंडवर “लोकनाथ चषक” भव्य जिल्हास्तरीय टेनिस बॉल क्रिकेट स्पर्धेचे आयोजन करण्यात आले होते. या स्पर्धेत जिल्ह्यातील नामांकित संघासह सीमा भागातील संघानीही सहभाग घेतला होता.
राज्य नियोजन मंडळाचे कार्यकारी अध्यक्ष श्री.राजेश क्षीरसागर यांच्या मार्गदर्शनाने बाळासाहेबांची शिवसेना पक्षाच्या वतीने कसबा बावडा विभागातर्फे “लोकनाथ चषक” भव्य जिल्हास्तरीय टेनिस बॉल क्रिकेट स्पर्धा पार पडल्या. या संपूर्ण स्पर्धेत स्थानिक संघांचे वर्चस्व पहायला मिळाले. स्पर्धेच्या अंतिम सामना नवनाथ मित्र मंडळ प्रणित झेंडा चौक विरुद्ध कै.सिद्धार्थ लोट प्रणित गोळीबार मैदान यांच्यार प्रकाश झोतात रंगला. या सामन्यात नवनाथ मित्र मंडळ प्रणित झेंडा चौक संघाने प्रतिस्पर्धी संघावर थरारक विजय मिळवत “लोकनाथ चषक” काबीज केला. विजेत्या संघास राज्य नियोजन मंडळाचे कार्यकारी श्री.राजेश क्षीरसागर यांच्याहस्ते “लोकनाथ चषक” आणि रोख रु.१ लाख बक्षीस प्रदान करण्यात आले. तर उपविजेता कै.सिद्धार्थ लोट प्रणित गोळीबार मैदान संघास युवा नेते ऋतुराज क्षीरसागर यांच्या हस्ते उपविजेता चषक आणि रु.५० हजार बक्षीस देण्यात आले. या स्पर्धेत उपांत्य फेरीत पराभूत शाहुवाडी स्पोर्ट्स आणि कै.राणा गायकवाड बॉईज प्रणित सई स्पोर्ट्स संघांना प्रत्येकी ट्रॉफी आणि रोख.रु.१० हजार बक्षीस देवून गौरविण्यात आले. यासह मॅन ऑफ द सेरीज साठी नितीन मातुंगे या खेळाडू “सायकल”, स्पर्धेतील उत्कृष्ट फलंदाजास “क्रिकेट बॅट”, उत्कृष्ट गोलंदाजास “स्पोर्ट्स शूज”, उत्कृष्ट क्षेत्ररक्षकास “क्रिकेट कीट”, अंतिम सामन्यातील मॅन ऑफ द मॅच साठी “स्मार्ट वॉच” सह सलग तीन षटकार, प्रथम हॅट्रिक साठी आकर्षक बक्षिसे अशी वैयक्तिक भरघोस बक्षिसे देण्यात आली. यावेळी महाराष्ट्र शासन आरोग्य विभागाच्यावतीने प्रथमच देण्यात आलेला हिंदूह्रुदयसम्राट शिवसेनाप्रमुख बाळासाहेब ठाकरे आरोग्य रत्न पुरस्कार प्राप्त केलेल्या सेवा रुग्णालयाचे वैद्यकीय अधीक्षक डॉ.उमेश कदम यांचा विशेष सत्कार करण्यात आला.
या बक्षीस समारंभास राज्य नियोजन मंडळाचे कार्यकारी अध्यक्ष श्री.राजेश क्षीरसागर, युवानेते ऋतुराज क्षीरसागर, उत्तर शहरप्रमुख रणजीत जाधव, उदय भोसले, किशोर घाटगे, शहर समन्वयक सुनील जाधव, जिल्हा नियोजन समिती सदस्य अंकुश निपाणीकर, उपशहरप्रमुख रोहन उलपे, विराज खाडे, सुरज सुतार, उत्तम रंगापुरे, कृष्णा लोंढे, आदर्श जाधव, राकेश चव्हाण, सचिन पाटील, अभिजित केंबळे यांच्यासह शिवसेना पक्षाचे पदाधिकारी व शिवसैनिक उपस्थित होते.
