no images were found
माजी आरोग्य मंत्री डॉ. सावंत यांच्या गाडीला अपघात
मुंबई : राज्याचे माजी आरोग्य मंत्री डॉ. दीपक सावंत यांच्या गाडीला भीषण अपघात झाला असून या अपघातामध्ये माजी मंत्री डॉ. दीपक सावंत यांच्या मानेला व पाठीला इजा झाली असून त्यांच्यावर अंधेरी येथील रुग्णालयात उपचार सुरू आहेत. डॉ. दीपक सावंत हे आज काशिमीरा येथून पालघरच्या दिशेने जात असताना हा अपघात घडला. डॉ. दीपक सावंत यांच्या गाडीला पाठीमागून एका डंपरने जोराची धडक दिली आहे. या डंपरच्या धडकेमुळे गाडीची मागील बाजू पूर्ण चक्काचूर झाली आहे. अपघातस्थळी ये-जा करणाऱ्या लोकांनी त्वरित मदत करीत अॅम्ब्युलन्स मागवून डॉ. दीपक सावंत यांना हॉस्पिटलमध्ये दाखल केले. डॉ. दीपक सावंत यांच्या मानेला व पाठीला गंभीर इजा झाली असून त्यांच्यावर खाजगी रुग्णालयात उपचार सुरू आहे.
