no images were found
प्रवासी विमान कोसळून ७२ जणांचा मृत्यू
नेपाळ : नेपाळमधील पोखरा विमानतळावर उतरत असताना ७२ प्रवासी असलेले विमान कोसळून भीषण अपघात घडला. या अपघातामध्ये प्रवासी तसेच कर्मचारी अश्या ७२ जणांचा दुर्देवी अंत झाला. या 72 मध्ये ५ भारतीय नागरिकांचा देखील समावेश आहे.
हा विमान अपघात घडण्यापूर्वी काही क्षणापूर्वी या विमानातील एका प्रवाशाने भारतातील गाझीपूर येथून विमानाने टेक ऑफ केल्यानंतर व्हिडिओ केला होता. सध्या सोशल मीडियावर हा व्हिडिओ व्हायरल झाला आहे.
नेपाळच्या नागरी उड्डाण प्राधिकरणाने पुरविलेल्या माहितीप्रमाणे, अपघातग्रस्त विमान यति एअरलाइनचे होते तसेच विमानाने स.१०.३३ वाजता काठमांडूतील त्रिभुवन आंतरराष्ट्रीय विमानतळावरून उड्डाण केले होते. दरम्यान पोखरा विमानतळावर उतरत असताना सेती नदीच्या काठावर विमान कोसळले. या अपघातामध्ये मृत पावलेल्या प्रवाशांमध्ये ५ भारतीय नागरीकांचादेखील सामावेश आहे.
