देशमुखांच्या जामीनावरील स्थगिती हायकोर्टाने वाढवली

अनिल देशमुख यांच्या जामीनावरील स्थगीती हायकोर्टाने वाढविली आहे. सीबीआयची विनंती हायकोर्टाने मान्य करत जामीनाला दिलेली स्थगिती २७ डिसेंबरपर्यंत वाढवण्यात आलेली आहे. याबाबत सीबीआयने मुंबई उच्च न्यायालयात धाव घेत विनंती केली होती की, न्यायालय हे नाताळच्या सुट्टीनिमीत्त जानेवारीच्या पहिल्या आठवड्यापर्यंत बंद राहणार आहे. त्यामुळे देशमुखांच्या जामीनाला दिलेल्या आवाहनावर सुनावणी होऊ शकत नसल्यामुळे स्थगिती वाढवून द्यावी अशी मागणी केली होती. यामुळे अनिल देशमुख सध्या सुरु असलेल्या  राज्य विधिमंडळाच्या हिवाळी अधिवेशनासही हजर राहू शकणार नाहीत.