नवरात्र ही केवळ उत्सव नाही तर ती आपल्या आत्म्याशी जोडले जाण्याची संधी आहे :श्री श्री रविशंकर जी.

Oplus_131072

नवरात्र ही केवळ उत्सव नाही तर ती आपल्या आत्म्याशी जोडले जाण्याची संधी आहे :श्री श्री रविशंकर जी.                                           कोल्हापूर (प्रतिनिधी):-नवरात्र ही केवळ उत्सव नाही तर ती आपल्या आत्म्याशी जोडले जाण्याची संधी आहे .ही एक आत्मनिरीक्षण आणि ध्यान करण्याची संधी आहे .ज्यामुळे आसक्तीद्वेष ,जडत्व आणि नकारात्मकता नाहीसे होण्यास मदत होते.                                                                                                     श्री श्री रविशंकर जी संस्थापित आर्ट ऑफ लिविंग ची संलग्न संस्था वैदिक धर्म संस्थान कोल्हापूर सातत्याने 19 वर्षापासून शारदीय नवरात्र उत्सवामध्ये महाचंडी होम सह विविध होम पूजा आणि संस्कृती कार्यक्रम साजरी करत आहे. यंदाही हे होम हवन दिनांक 16 ते 18 ऑक्टोबर या कालावधीत सकाळी आठ वाजले पासून आयर्विन मल्टीपर्पज हॉल ,गवत मंडई ,शाहूपुरी येथे होत आहे.                                हे सर्व होम आणि विधी ब्रह्मचारी पुण्यश्लोक जी यांच्या पावन उपस्थितीत होत आहेत .बंगळुरू स्थित वेद विज्ञान महाविद्यापीठ मधील प्रशिक्षित पंडित आणि सहकारी ही विधी करणार आहे .शुक्रवार दिनांक 16 ऑक्टोंबर रोजी सकाळी साडेआठ वाजता श्री महागणपती होमापासून सुरुवात होऊन श्री वास्तु होम आणि नवग्रह होम होतील. सायंकाळी सहा वाजता महा सुदर्शन होम होईल .सुदर्शन होमा मध्ये साधक सुदर्शन क्रिया करतात. तसेच विविध सांस्कृतिक कार्यक्रम होतील.                                                                                          शनिवार दिनांक 17 ऑक्टोंबर रोजी सकाळी साडेआठ वाजता रुद्र पूजा आणि रुद्र होम तर सायंकाळी सहा वाजता महा चंडी कलश स्थापना आणि चंडी पारायण तसेच विविध संस्कृती कार्यक्रम होतील. रविवार दिनांक 18 ऑक्टोंबर रोजी सकाळी साडेसात वाजता महा चंडी होम होईल यामध्ये गोपूजा अश्वपूजा कन्या पूजन सुहासिनी पूजन आणि दांपत्य पूजन असते.                                                   

            या सर्व होम आणि पूजा यांच्या मंत्रोच्चारामध्ये उपस्थित त्यांना घरी ध्यानाचा अनुभव प्राप्त होतो या सर्व विधी मुळे उपस्थित त्यांच्या जीवनातील तसेच सभोवतालच्या वातावरणातील ताण तणाव आणि नकारात्मकता कमी होत असल्याचा अनुभव मिळतो दैनंदिन सत्संग होणार असून महाप्रसादाची सोय आहे हे सर्व होम आणि विधी सर्वांसाठी खुले असून सर्वांनी याचा लाभ घ्यावा असे आवाहन समन्वयक राहुल नागवेकर, समीर बखले, अजय किल्लेदार, मानसिंग जाधव ,हेमंत माळी, सचिन लाड यांनी केले आहे.