राज्यस्तरीय वेटलिफ्टिंग स्पर्धेत हर्षवर्धन कदम याला सुवर्ण आणि रौप्य पदक

कोल्‍हापूर : राज्यस्तरीय वेटलिफ्टिंग स्पर्धेत हर्षवर्धन दिगंबर कदम याने सुवर्ण आणि रौप्य पदक अशी दोन पद्के पटकाविली.  वेटलिफ्टिंग स्पर्धेत हर्षवर्धन दिगंबर कदम याने 102 किलो वजनी गटात (19) वर्षाखालील स्पर्धेत सुवर्ण तर (21) वर्षाखालील स्पर्धेत रौप्य पदक प्राप्त केले. त्‍याच्या या यशाबद्दल  सर्वत्र त्याचे कौतुक होत आहे. हर्षवर्धनचे वडील कुरुंदवाड येथे वृत्तपत्र विक्रेते आहेत. ते कुरुंदवाडसह ग्रामीण भागातील गावात वृत्तपत्र वितरणाचे काम करतात. रावेर (ता. जळगाव) येथे महाराष्ट्र राज्यस्तरीय युथ ज्युनियर, सीनियर वेटलिफ्टिंग चॅम्पियनशिप स्पर्धा सुरू आहे. या स्पर्धेत हर्षवर्धन दिगंबर कदम याने 110 किलो स्नॅच आणि 125 किलो क्लिन आणि जर्क असे एकूण 235 किलो वजन उचलून सुवर्ण पदक पटाकावले, तर 19 वर्षाखालील गटात रौप्य पदक मिळविले. या विजयासाठी हर्षवर्धनला त्याचे प्रशिक्षक प्रदीप पाटील, विजय टारे, रविंद्र चव्हाण, केदारी गायकवाड, वडील दिगंबर कदम, आजोबा बापूसाहेब कदम यांचे मार्गदर्शन तसेच सहकार्य लाभले. या त्याचे सर्वत्र कौतुक होत आहे.