चंद्रपूरच्या जंगलात’ चे आज शिवाजी विद्यापीठात अभिवाचन

Oplus_131072

चंद्रपूरच्या जंगलात’ चे आज शिवाजी विद्यापीठात अभिवाचन
कोल्हापूर (प्रतिनिधी):-शिवाजी विद्यापीठाचा बी. ए. फिल्म मेकिंग विभाग आणि ‘एन अनुप जत्राटकर मल्टीमीडिया प्रॉडक्शन्स’ यांच्या संयुक्त विद्यमाने ‘चंद्रपूरच्या जंगलात…’ या नाटकाच्या १५ व्या अभिवाचनाचे आयोजन शनिवार, दि. २९ ऑगस्ट रोजी सकाळी 11 वाजता मास कम्युनिकेशन विभागात केले आहे. नाट्य आणि अभिवाचनाच्या क्षेत्रात वेगळी ओळख निर्माण करणाऱ्या ‘अवकाश’ प्रस्तुत ‘चंद्रपूरच्या जंगलात…’ चे संहिता लेखन ज्येष्ठ लेखक विक्रम वाटवे यांनी केले आहे. दिग्दर्शन हृदयनाथ जाधव यांनी केले असून, या कलाकृतीला रंगमंचावर जिवंत करण्याचे काम सुप्रसिद्ध अभिवाचक समीर दळवी आणि दिग्दर्शक हृदयनाथ जाधव हे दोघे मिळून करणार आहेत.
या कलाकृतीच्या निर्मितीप्रवासात प्रसाद पवार, मनोहर दिचवलकर, सुनील देसाई यांचे विशेष सहकार्य व योगदान लाभले आहे. कला, साहित्य आणि नाट्यसंस्कृतीला प्रोत्साहन देण्याच्या उद्देशाने आयोजित करण्यात आलेला हा अभिवचन प्रयोग विनामूल्य ठेवण्यात आला असून ‘प्रवेश सर्वांना खुला’ आहे. या विशेष अभिवाचन प्रयोगाचा आस्वाद घेण्यासाठी सर्व नाट्यरसिक, विद्यार्थी, शिक्षक आणि कलाप्रेमींनी मोठ्या संख्येने उपस्थित राहावे, असे आवाहन फिल्म मेकिंगचे समन्वयक डॉ. शिवाजी जाधव आणि अनुप जत्राटकर यांनी केली आहे.