हायटेक हॉस्पिटल हटवा लेक विष्ठा रहिवासी वसाहत वाचवा : रहिवाशाची मागणी.       

Oplus_131072

हायटेक हॉस्पिटल हटवा लेक विष्ठा रहिवासी वसाहत वाचवा : रहिवाशाची मागणी.                                                           कोल्हापूर (प्रतिनिधी ):अंबाबाई टॅंक रंकाळा पार्क येतील परांजपे लेख विस्ता अपार्टमेंट या रेसिडेन्सी एरियामध्ये हायटेक हॉस्पिटल आणि औषध दुकान सुरू झाले आहे .या हॉस्पिटलमुळे येथील राहणाऱ्या सदनीका धारक बंगले ,रो हाऊस ,मधील रहिवासी ,कायझन मधील रहिवाशी ,अशा सर्वांना खूप त्रास होत आहे. या हॉस्पिटलमुळे रात्रंदिवस परिसरात सतत वाहने शववाहीका ॲम्बुलन्स ,लॅबोरेटरी वाहने ,रुग्णांची ने आण करणारी वाहने, रुग्ण नातेवाईक यांच्या चार चाकी , दुचाकी गाड्या अशा प्रकारची वाहने सतत येत जात असतात .त्यामुळे या रहिवासी परिसराची शांतता पूर्णपणे नष्ट झालेली आहे. या हॉस्पिटलचे नियम सोडून अस्ताव्यस्त सर्व रस्ता व्यापणारे पार्किंग याचा फार त्रास होत आहे. प्रत्येक वेळी रहिवाशांना आत येता जाता तसेच आमच्या वाहनांना हॉस्पिटलमध्ये येणाऱ्या वाहनांच्या त्रासामुळे खूप त्रास होतो आहे. हॉस्पिटलमध्ये येणारे रुग्णांची नातेवाईक आसपासच्या परिसरात अपार्टमेंटच्या आडोशाला नैसर्गिक विधीसाठी जात असतात .हॉस्पिटलचे वॉचमन येथे नावाला बसून असतात. मुख्य डॉक्टर स्टाफ व्यवस्थापन कधीही होणाऱ्या त्रासाची दखल घेत नाहीत. हॉस्पिटल ने इथे लावलेला बोर्ड चा काहीही उपयोग होत नाही. येथे राहणाऱ्या लोकांना या वरदळीचा सतत त्रास होतो आहे .मुलांचा अभ्यास खेळणे बंद झाले आहे. आजारी वृद्ध ,जेष्ठ नागरिक रहिवासी हे या हॉस्पिटलमुळे त्रस्त झाले आहेत .महानगरपालिका अन्न औषध प्रशासन मेडिकल असोसिएशन या सर्वांनी अशा परिसरामध्ये दवाखान्याला कशी परवानगी दिली आहे. याचेच आम्हाला वाईट वाटते .या हॉस्पिटलचा मूळ नकाशा महानगरपालिकेने पुन्हा एकदा अवलोकन करून हे हॉस्पिटल इथून हलवण्यास सांगावे. या इमारतीस मागील बाजूला दरवाजा आणि रस्ता आहे .मागील बाजूचा दरवाजा या हॉस्पिटलची प्रवेशद्वार करून सध्याची प्रवेशद्वार हद्दीमध्ये भिंत घालून पूर्णपणे हा परिसर हॉस्पिटलच्या बाजूने सील करावा, यापूर्वी येथे साध्या किराणा मालाच्या दुकानाला सुद्धा परवानगी दिलेली नाही ,असं असताना इथे हॉटेल आहे ,दुकान आहे ,त्याची चौकशी व्हावी .रुग्ण नातेवाईकांना पार्किंगला जागा नाही तरीही हॉस्पिटल येथून हलवावे अशी रहिवाशांकडून मागणी होत आहे.                                                                                 यावेळी झालेल्या पत्रकार परिषदेला सोसायटीचे चेअरमन चिन्मय ठक्कर ,योगिता जाधव ,प्रसाद बुगडे ,कुंवर सिंह भोसले ,अप्पासाहेब मोहिते, वैभव वाघजकर, शिवाजीराव भोईटे ,सिद्धार्थ कारेकर व अनेक नागरिक उपस्थित होते.