अदाणी एनर्जी सोल्युशन्स इंटेलिस्मार्टचे अधिग्रहण करणार;

Oplus_131072

अदाणी एनर्जी सोल्युशन्स इंटेलिस्मार्टचे अधिग्रहण करणार; भारतातील सर्वात मोठे स्मार्ट मीटरिंग प्लॅटफॉर्म होण्याच्या दिशेने मोठे पाऊल ठळक मुद्दे
अदाणी एनर्जी सोल्युशन्सकडे आता एकूण 4.7 कोटींहून अधिक स्मार्ट मीटरचे पोर्टफोलिओ असेल, त्यामुळे कंपनी भारतातील सर्वात मोठे स्मार्ट मीटरिंग प्लॅटफॉर्म बनण्याच्या मार्गावर आहे.
इंटेलिस्मार्ट ही भारतातील स्मार्ट मीटर क्षेत्रातील अग्रगण्य तीन कंपन्यांपैकी एक असून, पाच राज्यांमध्ये 2.2 कोटींहून अधिक स्मार्ट मीटरचे व्यवस्थापन करते.
या व्यवहाराची एकूण किंमत 3,050 कोटी रुपये आहे. हा व्यवहार पूर्ण होण्यासाठी नियामक संस्थांची मंजुरी तसेच इतर आवश्यक औपचारिक प्रक्रिया पूर्ण कराव्या लागतील.
अहमदाबाद, 9 जून 2026: : भारतातील सर्वात मोठी प्राइवेट पावर ट्रांसमिशन कंपनी आणि आघाडीची एनर्जी सोल्युशन्स पुरवठादार कंपनी अदाणी एनर्जी सोल्युशन्स लिमिटेड (एईएसएल) ने इंटेलिस्मार्ट इन्फ्रास्ट्रक्चर प्रायव्हेट लिमिटेड मधील 100 टक्के भागभांडवल खरेदी करण्यासाठी बंधनकारक सिक्युरिटीज खरेदी आणि सदस्यता करार (SPSA) केला आहे. इंटेलिस्मार्ट ही नॅशनल इन्व्हेस्टमेंट अँड इंफ्रास्ट्रक्चर फंड (एनआयआयएफ) आणि एनर्जी एफिशिएन्सी सर्विसेज लिमिटेड (ईईएसएल) यांची संयुक्त स्मार्ट मीटरिंग कंपनी आहे. या अधिग्रहणामुळे एईएसएल ची स्मार्ट मीटर क्षेत्रातील उपस्थिती आणखी मजबूत होणार असून, 4.7 कोटींपेक्षा अधिक स्मार्ट मीटरसह कंपनी भारतातील सर्वात मोठे स्मार्ट मीटरिंग प्लॅटफॉर्म बनणार आहे.
सुमारे 3050 कोटी रुपयांच्या या व्यवहारामध्ये इंटेलिस्मार्टच्या 100 टक्के भागभांडवलाची खरेदी तसेच एनआयआयएफ कडे असलेल्या इंटेलिस्मार्टच्या वैकल्पिकरित्या परिवर्तनीय डिबेंचर्सची (OCDs) परतफेड यांचा समावेश आहे. हा व्यवहार पूर्ण होण्यासाठी नियामक संस्थांची आणि इतर आवश्यक मंजुरी मिळणे आवश्यक आहे.
इंटेलिस्मार्ट ही भारतातील आघाडीच्या स्मार्ट मीटर मालकी आणि संचालन करणाऱ्या कंपन्यांपैकी एक आहे. कंपनीकडे उत्तर प्रदेश, गुजरात, मध्य प्रदेश, बिहार आणि आसाम या राज्यांमध्ये 2.2 कोटींपेक्षा अधिक स्मार्ट मीटरचे पोर्टफोलिओ आहे. वेगाने वाढणाऱ्या ग्राहक बाजारपेठांमधील इंटेलीस्मार्टची मजबूत उपस्थिती भविष्यातील विस्तारासाठी मोठी संधी उपलब्ध करून देते.
याबाबत कंदर्प पटेल, सीईओ, अदाणी एनर्जी सोल्युशन्स लिमिटेड यांनी सांगितले, “इंटेलिस्मार्टचे अधिग्रहण केल्यामुळे आमच्या कामकाजाचा विस्तार आणि प्रकल्प अंमलबजावणीची क्षमता वाढेल. तसेच तंत्रज्ञानाधारित उपाययोजनांच्या माध्यमातून भारतातील वीज वितरण व्यवस्थेच्या आधुनिकीकरणाला आम्ही अधिक प्रभावीपणे हातभार लाऊ शकू.”
हे अधिग्रहण एईएसएलच्या व्यवसायाचा विस्तार करण्याच्या धोरणाशी सुसंगत आहे. कंपनी सेंद्रिय (स्वतःच्या प्रकल्पांद्वारे) आणि असेंद्रिय (इतर कंपन्यांचे अधिग्रहण व गुंतवणुकीतून) अशा दोन्ही मार्गांनी विकास साधण्यावर भर देत आहे. या व्यवहारामुळे मोठ्या प्रमाणावर कामकाज केल्याने खर्चात बचत होईल, संचालन व देखभाल खर्च अधिक कार्यक्षमपणे नियंत्रित करता येईल आणि एईएसएलच्या व्यापक ऊर्जा व पायाभूत सुविधा व्यवसायाशी एकत्रीकरण होईल. त्यामुळे कंपनीची कार्यक्षमता आणि व्यवसायातील समन्वय आणखी मजबूत होण्याची अपेक्षा आहे.
इंटेलिस्मार्टचे एमडी आणि सीईओ अनिल रावल म्हणाले, “इंटेलीस्मार्टला या महत्त्वपूर्ण व्यवहाराचा भाग असल्याचा अभिमान आहे. या व्यवहारामुळे आमच्या सर्व भागधारकांसाठी मूल्यनिर्मिती झाली आहे. या यशामुळे वीज वितरण क्षेत्रात अधिक गुंतवणूक होण्यास चालना मिळेल आणि या क्षेत्राच्या डिजिटल परिवर्तनाचा वेग वाढेल. देशातील संपूर्ण वीज वितरण क्षेत्रामध्ये परिवर्तन घडवून आणणारा महत्त्वाचा घटक म्हणून वीज वितरण क्षेत्र वेगाने उदयास येत आहे.
एनआयआयएफ चे मॅनेजिंग पार्टनर विनोद गिरी यांनी सांगितले, “इंटेलिस्मार्टने देशातील अग्रगण्य स्मार्ट मीटरिंग प्लॅटफॉर्मपैकी एक म्हणून केलेली प्रगती ही एनआयआयएफ ची पायाभूत सुविधा व्यवसाय उभारण्याची आणि त्याचा विस्तार करण्याची क्षमता दर्शवते. एनआयआयएफ साठी हा व्यवहार आमच्या पायाभूत सुविधा गुंतवणूक धोरणातील एक महत्त्वाचा टप्पा आहे. तसेच भारतात उद्योगक्षेत्रातील आघाडीचे प्लॅटफॉर्म उभारण्याच्या आमच्या वचनबद्धतेला तो अधिक बळकटी देतो. इंटेलीस्मार्ट आता विकासाच्या पुढील टप्प्यात प्रवेश करत असताना, या व्यवहारामुळे आम्हाला आमच्या गुंतवणुकीचे योग्य मूल्य मिळेल आणि भारतातील डिजिटल आणि ऊर्जा क्षेत्रातील बदलांना गती देण्यासाठी संस्थात्मक गुंतवणूक आकर्षित करण्याचे आमचे प्रयत्नही सुरू राहतील.”
ईईएसएलचे सीईओ अखिलेश दीक्षित यांनी सांगितले, “भारताच्या वीज क्षेत्रात ऊर्जा कार्यक्षमता वाढविणे आणि परिवर्तनाला चालना देण्यासाठी ईईएसएलने सातत्याने काम केले आहे. स्मार्ट मीटरिंग क्षेत्रातील इंटेलिस्मार्टने दिलेल्या योगदानाचा आम्हाला अभिमान आहे. या व्यवहारामुळे डिस्कॉम (वीज वितरण कंपन्या) आणि ग्राहकांना मोठ्या प्रमाणावर अधिक चांगल्या सेवा देण्याची इंटेलीस्मार्टची क्षमता आणखी मजबूत होईल, असा आम्हाला विश्वास आहे.”
या व्यवहारात सिरिल अमरचंद मंगलदास यांनी एईएसएल चे कायदेशीर सल्लागार म्हणून काम केले. तलवार ठाकोरे अँड असोसिएट्स यांनी विक्रेत्यांचे कायदेशीर सल्लागार म्हणून काम पाहिले, तर डेलॉइट टच तोहमात्सु इंडिया यांनी विक्रेत्यांसाठी विशेष व्यवहार सल्लागार म्हणून भूमिका बजावली.