no images were found
अदाणी फाउंडेशन आणि अनुष्का फाउंडेशनची भागीदारी; पाच राज्यांतील 10,000 हून अधिक क्लबफूटग्रस्त मुलांना मिळणार मदत
कानपूर, : अदाणी समूहाची सामाजिक विकास आणि कल्याण शाखा असलेल्या अदाणी फाउंडेशनने आणि सार्वजनिक आरोग्य भागीदारीच्या माध्यमातून क्लबफूट निर्मूलनासाठी कार्यरत असलेल्या विशेष स्वयंसेवी संस्था अनुष्का फाउंडेशनने एकत्र येत पाच राज्यांतील क्लबफूटग्रस्त 10,000 हून अधिक मुलांना मदत करण्यासाठी नवी भागीदारी जाहीर केली आहे. जागतिक क्लबफूट दिनानिमित्त घोषित करण्यात आलेला हा तीन वर्षांचा उपक्रम मध्य प्रदेश, हरियाणा, उत्तर प्रदेश, महाराष्ट्र आणि हिमाचल प्रदेशातील 61 जिल्ह्यांमध्ये उपचारांची उपलब्धता वाढवणे, सार्वजनिक आरोग्य व्यवस्था मजबूत करणे आणि दीर्घकालीन काळजी सुधारणे यावर भर देणार आहे.
या भागीदारीचा औपचारिक शुभारंभ कानपूर येथील मन्यवर कांशीराम संयुक्त चिकित्सालय आणि ट्रॉमा सेंटरमध्ये करण्यात आला. उत्तर प्रदेशमध्ये भारतातील सर्वाधिक क्लबफूटग्रस्त बालकांचा भार असून दरवर्षी अंदाजे 6,000 मुले या अवस्थेसह जन्माला येतात. राज्यातील सर्वात मोठ्या जिल्ह्यांपैकी एक असलेला कानपूर, या आव्हानाची व्याप्ती आणि वेळेवर उपचार उपलब्ध करून देण्याची संधी या दोन्ही बाबींचे प्रतिनिधित्व करतो.
क्लबफूट ही जन्मजात अवस्था असून त्यामध्ये जन्मावेळी एका किंवा दोन्ही पायांची दिशा आत वळलेली असते. ही अवस्था सुमारे प्रत्येक 800 नवजात बालकांपैकी एका बालकात आढळते. जागतिक स्तरावर मान्यताप्राप्त पोनसेटी पद्धतीद्वारे यावर प्रभावी उपचार शक्य असले तरी, वंचित समुदायांतील अनेक मुलांना वेळेवर उपचार मिळत नाहीत, ज्यामुळे त्यांच्या हालचाली, आत्मविश्वास आणि जीवनमानावर परिणाम होतो.
अनुष्का फाउंडेशनच्या विद्यमान क्लबफूट कार्यक्रमावर आधारित हा उपक्रम समुदाय जनजागृती, वैद्यकीय उपचार, क्षमता विकास आणि कुटुंबीयांना सहाय्य या घटकांच्या माध्यमातून पुढील तीन वर्षांत 10,000 हून अधिक मुलांना मदत करणार आहे. राष्ट्रीय आरोग्य अभियानाच्या (NHM) सहकार्याने राबविण्यात येणारा हा कार्यक्रम लवकर निदान व रेफरल प्रणाली मजबूत करणे, उपचारांची उपलब्धता वाढवणे आणि सार्वजनिक आरोग्य यंत्रणेमार्फत वैद्यकीय कौशल्य विकसित करणे यावर भर देईल.
या कार्यक्रमाअंतर्गत पाच राज्यांतील 61 जिल्ह्यांमध्ये 67 क्लबफूट क्लिनिकना पाठबळ दिले जाईल. तसेच 51 आरोग्य व्यावसायिकांची क्षमता वाढविण्यात येईल आणि 30,000 हून अधिक फ्रंटलाइन आरोग्य कर्मचाऱ्यांना लवकर निदान व रेफरलसाठी संवेदनशील करण्यात येईल.
अदाणी फाउंडेशनच्या अध्यक्षा डॉ. प्रीती अदाणी म्हणाल्या, “क्लबफूटसारख्या वेळेवर ओळख झाल्यास उपचार करता येणाऱ्या अवस्थेमुळे कोणतेही मूल मागे राहू नये. प्रत्येक मुलाला चालण्याची, शिकण्याची, खेळण्याची आणि जीवनात पूर्णपणे सहभागी होण्याची संधी मिळाली पाहिजे. विशेष गरजा असलेल्या व्यक्तींसाठी संधी निर्माण करणे हे अदाणी फाउंडेशनच्या तत्त्वज्ञानाचे केंद्रबिंदू राहिले आहे आणि ही भागीदारी त्या वचनबद्धतेचे प्रतिबिंब आहे. क्लबफूटमुक्त भविष्य घडविण्याच्या अनुष्का फाउंडेशनच्या ध्येयात सहभागी होण्याचा आम्हाला अभिमान आहे. एकत्रितपणे आम्ही अधिकाधिक मुलांना सन्मानाने, स्वावलंबीपणे आणि त्यांच्या पूर्ण क्षमतेचा विकास करण्यासाठी सक्षम करू इच्छितो.”
अनुष्का फाउंडेशनचे संस्थापक दीपक प्रेमनारायण म्हणाले, “क्लबफूट हे बालपणीतील सर्वात उपचारक्षम अपंगत्वांपैकी एक असले तरी दरवर्षी हजारो मुलांना वेळेवर उपचार मिळत नाहीत. अदाणी फाउंडेशनसोबतची ही भागीदारी पाच राज्यांतील 61 जिल्ह्यांमध्ये दर्जेदार उपचारांची उपलब्धता वाढविण्यास मदत करेल आणि लवकर निदान व हस्तक्षेपासाठी आवश्यक यंत्रणा अधिक मजबूत करेल. एकत्रितपणे आपण उपचारक्षम स्थिती आयुष्यभराच्या हालचाली आणि संधींवरील अडथळा ठरू नये याची खात्री करू शकतो.”
भारतात दरवर्षी अंदाजे 33,000 मुले क्लबफूटसह जन्माला येतात, त्यापैकी सुमारे 12,000 जन्म या कार्यक्रमांतर्गत समाविष्ट पाच राज्यांमध्ये होतात. उपचारांची उपलब्धता वाढविणे, रेफरल प्रणाली मजबूत करणे आणि उपचार प्रक्रियेदरम्यान कुटुंबांना पाठबळ देणे यामार्फत हा उपक्रम देशातील क्लबफूटच्या मोठ्या भाराला शाश्वत सार्वजनिक आरोग्य व्यवस्थेद्वारे संबोधित करण्याचा प्रयत्न करेल.
11 ऑगस्ट रोजी अदाणी फाउंडेशनच्या स्थापनेला 30 वर्षे पूर्ण होत असताना हा उपक्रम समुदाय-केंद्रित विकासासाठीच्या त्यांच्या सातत्यपूर्ण वचनबद्धतेचे प्रतीक आहे. 22 राज्यांमध्ये कार्यरत असलेले आणि दरवर्षी 13.3 दशलक्षांहून अधिक लाभार्थ्यांपर्यंत पोहोचणारे फाउंडेशन आरोग्यसेवा, शिक्षण, शाश्वत उपजीविका, हवामान प्रतिकारशक्ती आणि समुदाय विकास या क्षेत्रांत काम करते.
प्रेमनारायण कुटुंबाने स्थापन केलेले आणि त्यांच्या वैयक्तिक अनुभवांमधून प्रेरित असलेले अनुष्का फाउंडेशन हे क्लबफूट निर्मूलनासाठी सार्वजनिक आरोग्य भागीदारी, क्षमता विकास आणि कुटुंब-केंद्रित सेवांवर कार्य करणारे विशेष स्वयंसेवी संस्थान आहे. सध्या संस्था 13 राज्यांतील 165 जिल्ह्यांमध्ये क्लबफूट उपचार कार्यक्रमांना पाठबळ देते आणि 26,000 हून अधिक मुलांना उपचार मिळवून देण्यात मदत केली आहे. आज भारतात क्लबफूटसह जन्मणाऱ्या प्रत्येक सहा मुलांपैकी एका मुलाला अनुष्का फाउंडेशनच्या सहाय्याने चालणाऱ्या क्लिनिकमधून उपचार मिळतात.
