जी एच रायसोनी स्मृती तेरा वर्षाखालील मुला मुलींच्या कोल्हापूर जिल्हा निवड बुद्धिबळ स्पर्धेत विवान, वेदांत व हर्षदा आघाडीवर.     

Oplus_131072

जी एच रायसोनी स्मृती तेरा वर्षाखालील मुला मुलींच्या कोल्हापूर जिल्हा निवड बुद्धिबळ स्पर्धेत विवान, वेदांत व हर्षदा आघाडीवर.                                              कोल्हापूर  :- अयोध्या टॉवर दाभोळकर कॉर्नर, कोल्हापूर येथे चेस असोसिएशन कोल्हापूर ने आयोजित केलेल्या जी एच रायसोनी स्मृती 13 वर्षाखालील मुला मुलींच्या कोल्हापूर जिल्हा निवड बुद्धिबळ स्पर्धा आज प्रारंभ झाल्या. मुला मुलींच्या स्वतंत्र गटात होत असलेल्या या स्पर्धा स्विस् लीग पद्धतीने जलद बुद्धिबळाच्या नियमानुसार एकूण सहा फेर्यात होत आहेत. इचलकरंजी, जयसिंगपूर, वारणानगर, पन्हाळा, गडहिंग्लज व स्थानिक कोल्हापूर येथील नामवंत 65 बुद्धिबळपटू या स्पर्धेत सहभागी झाले आहेत यापैकी 25 बुद्धिबळपटू आंतरराष्ट्रीय गुणांकन प्राप्त आहेत. या स्पर्धेचे उद्घाटन सामाजिक कार्यकर्ते व दिलबहार तालमीचे माजी अध्यक्ष पद्माकर कापसे यांच्या हस्ते बुद्धिबळाच्या पटावर चाल करून करण्यात आले यावेळी व्यासपीठावर भरत चौगुले मनीष मारुलकर व सचिन वनीरे उपस्थित होते. आज झालेल्या चौथ्या फेरीनंतर मुलांच्या गटात अग्रमानांकित इचलकरंजीचा विवान सोनी व इचलकरंजीचाच वेदांत बांगड हे दोघेजण चार गुणांसह आघाडीवर आहे तर जयसिंगपूरचा आभाश पाटील साडेतीन गुणासह द्वितीय स्थानावर आहे. मुलींच्या गटात चौथ्या फेरीनंतर कोल्हापूरची हर्षदा सूर्यवंशी पाटील चार गुणासह आघाडीवर आहे तर सिद्धी कर्वे जयसिंगपूर सांची बजाज इचलकरंजी आरोही बनसोड कोल्हापूर व श्रुती पांडव इचलकरंजी आरोही सायकल कोल्हापूर व शौर्या वनीरे कोल्हापूर या सहा जणी तीन गुणांसह संयुक्तपणे द्वितीय स्थानावर आहेत.