no images were found
लालोचा वर्ल्ड टीव्ही प्रीमियर 17 मे रोजी दुपारी 1 वाजता; सोनी सबच्या पुष्पा इम्पॉसिबलमध्ये खास कलाकारांची साथ
सोनी सबची पुष्पा इम्पॉसिबल मालिका प्रेक्षकांसाठी एक खास आणि हृदयस्पर्शी भाग घेऊन येत आहे. ब्लॉकबस्टर गुजराती चित्रपट लालो – कृष्ण सदा सहायतेचा कलाकार वर्ग मालिकेत विशेष उपस्थिती दाखवणार आहे. हा भाग चित्रपटाच्या वर्ल्ड टेलिव्हिजन प्रीमियरच्या आधी दाखवला जाणार आहे. बॉक्स ऑफिसवर इतिहास घडवत ₹100 कोटींचा टप्पा पार करणारा पहिला गुजराती चित्रपट ठरलेला लालो आता 17 मे रोजी दुपारी 1 वाजता सोनी मॅक्सवर हिंदी आणि गुजराती अशा दोन्ही भाषांमध्ये प्रेक्षकांसाठी उपलब्ध होणार आहे.
या विशेष भागांमध्ये पुढील आठवड्यात पुष्पा (करुणा पांडे)चा भावनिक प्रवास अध्यात्मिक वळण घेतो. तिला ‘लालो’ चित्रपटातील कृष्ण (श्रुहद गोस्वामी) आणि तुलसी (रीवा रच्छ) यांच्याकडून अनपेक्षित आधार आणि मार्गदर्शन मिळतं. मदर्स डेच्या दिवशी, मुलांची आठवण काढत एकटी झालेली पुष्पा कृष्णाच्या घरी रात्र घालवते. तिथे तिची भेट किसना नावाच्या एका कोमल मुलाशी होते. तो तिला “मैया” म्हणतो, गरम काठियावाडी चहा देतो आणि आपल्या बासरीच्या सुरांनी तिच्या मातृत्वाच्या भावनांना पुन्हा जागं करतो. मात्र सकाळी किसना रहस्यमयरीत्या गायब होतो आणि मंदिरातील उत्सवात पुष्पाला जाणवतं की तो प्रत्यक्षात भगवान कृष्ण होते, जे तिला आधार देण्यासाठी आणि दैवी प्रेम कधीही सोडून जात नाही हे आठवण करून देण्यासाठी आले होते. अशा प्रकारे ‘पुष्पा इम्पॉसिबल’ आणि ‘लालो’ची दुनिया एकत्र येऊन श्रद्धा, भावना आणि आई-मुलांच्या नात्याचा सुंदर संगम दाखवते.
या विशेष भागाबद्दल बोलताना ‘पुष्पा इम्पॉसिबल’मध्ये पुष्पाची भूमिका साकारणाऱ्या करुणा पांडे म्हणाल्या, “पुष्पा इम्पॉसिबल नेहमीच भावना, नाती आणि दैनंदिन जीवनातील सौंदर्य साजरं करत आली आहे. त्यामुळे ‘लालो’सोबतची ही जुळवाजुळव खूप नैसर्गिक आणि खास वाटते. चित्रपटाला प्रेक्षकांनी दिलेलं प्रेम अफाट आहे आणि त्यांचा कलाकार वर्ग पुष्पाच्या दुनियेत स्वागत करणं खूप आनंददायी होतं. दोन्ही कथांमध्ये सांस्कृतिक उबदारपणा आणि भावनिक नातं आहे, आणि मला खात्री आहे की प्रेक्षकांना हा संगम खूप आवडेल.”
लालो मधील कृष्णाची भूमिका श्रुहद गोस्वामी पुढे म्हणाले, “लालो आमच्यासाठी अत्यंत खास प्रवास ठरला आहे. चित्रपटाला मिळालेलं प्रेम खूपच जबरदस्त आहे. ‘पुष्पा इम्पॉसिबल’चा भाग होणं आणखी संस्मरणीय ठरलं कारण मालिकेतही तीच उबदारता, साधेपणा आणि भावनिक नातं आहे जे प्रेक्षकांनी आमच्या चित्रपटात आवडलं. आम्ही खूप उत्सुक आहोत की प्रेक्षकांना हा सुंदर संगम पाहायला मिळेल आणि सोनी मॅक्सवर हिंदी आणि गुजराती भाषेत चित्रपटाचा टेलिव्हिजन प्रीमियर आपल्या कुटुंबासोबत अनुभवता येईल.”
