no images were found
अदाणी इलेक्ट्रिसिटी सलग दुसऱ्या वर्षी भारतातील युटिलिटी रेटिंगमध्ये अव्वल स्थान कायम
मुंबई, : भारतातील वीज वितरण क्षेत्र सध्या कार्यप्रदर्शन-आधारित मॉडेलकडे संक्रमण करत आहे, ज्यामध्ये कार्यकारी कार्यक्षमता, आर्थिक शिस्त आणि ग्राहक सेवेमध्ये सुधारणा दिसून येत आहेत. हा बदल अलीकडेच जाहीर करण्यात आलेल्या डिस्ट्रीब्युशन युटिलिटीज रँकिंग (डीयूआर) आणि कन्झ्युमर सर्व्हिस रेटिंग ऑफ डिस्कॉम्स (सीएसआरडी) मध्ये प्रतिबिंबित झाला आहे, जे केंद्रीय ऊर्जा मंत्रालयाने आरईसी लिमिटेड यांच्या सहकार्याने प्रसिद्ध केले आहेत.
देशभरातील 66 वीज वितरण कंपन्यांच्या मूल्यमापनात अदाणी इलेक्ट्रिसिटी मुंबई लिमिटेड (अदाणी इलेक्ट्रिसिटी),जी अदाणी ग्रुप चा भाग आहे, हिने सलग दुसऱ्या वर्षी भारतातील सर्वोच्च क्रमांकाची वितरण युटिलिटी म्हणून आपले स्थान कायम ठेवले. 92.5 गुणांसह कंपनीने महत्त्वाच्या निकषांवर सातत्यपूर्ण कामगिरी दर्शवली आहे.
कंदर्प पटेल,व्यवस्थापकीय संचालक (एमडी) आणि मुख्य कार्यकारी अधिकारी (सीईओ),अदाणी इलेक्ट्रिसिटी यांनी सांगितले, “सलग दुसऱ्या वर्षी पहिला क्रमांक मिळवणे हे आमच्या टीमच्या सातत्यपूर्ण आणि शिस्तबद्ध कामाचे प्रतिक आहे. ही केवळ कामगिरीची मोजमाप नसून,आम्ही सेवा देत असलेल्या शहराने आमच्यावर ठेवलेल्या विश्वासाचेही ते द्योतक आहे.यामुळे मुंबईतील आमची सेवा अखंडपणे सुरू ठेवण्यासाठी विश्वसनीय, कार्यक्षम आणि सक्षम वीज पुरवठा देण्याच्या आमच्या वचनबद्धतेला अधिक बळ मिळते.”
अदाणी इलेक्ट्रिसिटीला ए + रेटिंग मिळाले असून, यामागे पुरवठ्याची विश्वसनीयता, बिलिंगमधील अचूकता आणि प्रभावी तक्रार निवारण यांचा मोठा वाटा आहे. यावरून स्पष्ट होते की ग्राहक परिणामांमध्ये अंमलबजावणी महत्त्वाची भूमिका बजावते. संपूर्ण क्षेत्रात ग्राहक सेवा निर्देशांक सुधारले असून, सहा कंपन्यांना ए + रेटिंग मिळाले आहे, तर कोणतीही कंपनी सर्वात खालच्या श्रेणीत आलेली नाही.
अदाणी इलेक्ट्रिसिटीची कामगिरी आर्थिक आणि कार्यकारी कार्यक्षमता, संसाधनांची उपलब्धता, पुरवठा नियोजन तसेच प्रगत मीटरिंग आणि अॅनालिटिक्सद्वारे डिजिटलायझेशनमध्ये असलेल्या बळकटीचे प्रतिबिंब आहे.
मुंबईत 30 लाखांहून अधिक ग्राहकांना सेवा देणारी ही युटिलिटी विश्वसनीयता,तत्परता आणि पारदर्शकता यांना आपल्या कामाच्या केंद्रस्थानी ठेवते.
या रँकिंगमध्ये खासगी आणि सरकारी दोन्ही प्रकारच्या कंपन्यांमध्ये स्पर्धा दिसून आली, ज्यामध्ये टाटा पॉवर दिल्ली डिस्ट्रिब्युशन लिमिटेड, नोएडा पॉवर कंपनी लिमिटेड, दक्षिण गुजरात वीज कंपनी लिमिटेड आणि बृहन्मुंबई इलेक्ट्रिक सप्लाय अँड ट्रान्सपोर्ट अंडरटेकिंग यांचा समावेश आहे. या मिश्रणातून प्रशासन, अंमलबजावणी आणि तंत्रज्ञानाचा स्वीकार यावर आधारित परिणामांची दिशा स्पष्ट होते.
देशव्यापी मूल्यमापनातून तीन प्रमुख प्रवृत्ती समोर आल्या आहेत—कामगिरीतील एकरूपता, डिजिटलायझेशनचा पाया म्हणून उदय आणि ग्राहक अनुभव हा सर्वात महत्त्वाचा फरक करणारा घटक ठरणे.
