no images were found
शनाया ‘घर जेल’ची शिक्षा भोगत पुष्पाच्या चाळीत राहायला आली
सोनी सब वरील पुष्पा इम्पॉसिबल ही मालिका एका प्रेरणादायी स्त्रीची कहाणी सांगते. पुष्पा (करुणा पांडे) ही स्वतःच्या बळावर उभी राहिलेली, आयुष्याच्या कठीण प्रसंगांना तोंड देणारी महिला आहे. गृहिणीपासून वकील होण्यापर्यंतचा प्रवास करताना तिने अनेक संकटांचा सामना केला, पण न्यायासाठी लढताना आपल्या मूल्यांशी तडजोड केली नाही.
आगामी भागांमध्ये शनाया (मुस्कान बामने) विरुद्धच्या कोर्ट केसला अनपेक्षित वळण मिळणार आहे. पुराव्यांनुसार शनायाच्या बेफिकीर ड्रायव्हिंगमुळे झालेल्या अपघातात पुष्पाची सून प्रार्थना (पूजा कातुर्दे) हिचा मृत्यू होतो. निकाल आल्यानंतर सर्वजण थक्क होतात. शनाया अल्पवयीन असल्यामुळे तिला नियमित तुरुंगवासाची शिक्षा देता येत नाही. त्यामुळे न्यायालय एक वेगळा निर्णय देते शनायाला ‘घर जेल’ची शिक्षा ठोठावली जाते, ज्यामध्ये तिला पुष्पाच्या देखरेखीखाली तिच्या चाळीत राहावे लागेल. हा निर्णय पुष्पाच्या कुटुंबाला आणि संपूर्ण समाजाला धक्का देतो. ज्यांनी आपला जवळचा गमावला आहे, त्यांच्यासाठी दोषी व्यक्तीला घरात स्वीकारणे अत्यंत कठीण ठरते. दुसरीकडे, शनायालाही चाळीतले आयुष्य स्वीकारणे अवघड वाटते. मात्र पुष्पा ठामपणे मानते की जबाबदारीसोबत आत्मपरीक्षण आणि बदल आवश्यक आहे. शनाया पुष्पाच्या जगात पाऊल ठेवण्याच्या तयारीत असताना तणाव वाढतो आणि नातेसंबंध कसोटीवर येतात.
पुष्पाची भूमिका साकारणारी करुणा पांडे म्हणाली, “हा संपूर्ण कोर्टरूम सिक्वेन्स खूप भावनिक आहे कारण पुष्पा आपल्या सुनेच्या न्यायासाठी लढत असते. पण निकाल असा येतो, ज्याची कुणालाही अपेक्षा नसते. शनाया अल्पवयीन असल्यामुळे कोर्ट ‘घर जेल’चा निर्णय देते, ज्यामध्ये तिला पुष्पाच्या देखरेखीखाली राहावे लागते. हे पुष्पासाठी आई म्हणून आणि न्यायावर विश्वास ठेवणारी स्त्री म्हणून खूप गुंतागुंतीचे ठरते. शूटिंगदरम्यान मी सतत विचार करत होते की, ज्यामुळे इतका मोठा दु:खद प्रसंग घडला, त्या व्यक्तीसोबत राहणे किती कठीण असेल. ‘घर जेल’ सिक्वेन्समध्ये दु:ख आणि अंतर्गत ताकद यांचा समतोल साधणे माझ्यासाठी खूप भावनिक अनुभव होता.”
