no images were found
अदाणी पावरला 558 मेगावॅटच्या पीपीए साठी एलओए प्राप्त
अहमदाबाद / चेन्नई, : भारतातील सर्वात मोठी खासगी वीज निर्मिती करणारी कंपनी अदाणी पावर , ज्याची एकूण उत्पादन क्षमता 18.15 गीगावॅट आहे, हिने आज जाहीर केले की तिच्या उपकंपनी मोक्सी पॉवर जनरेशन लिमिटेड ला तमिळनाडू पॉवर डिस्ट्रिब्युशन कॉर्पोरेशन लिमिटेड कडून 558 मेगावॅट (नेट) वीजपुरवठ्यासाठी पाच वर्षांच्या कालावधीसाठी लेटर ऑफ अवॉर्ड (एलओए) मिळाले आहे.
मोक्सी पॉवर तमिळनाडूमधील थुथुकुडी येथे 1,200 मेगावॅट (2×600 मेगावॅट) क्षमतेच्या वीज प्रकल्पाचे संचालन करते. स्पर्धात्मक निविदा प्रक्रियेत कंपनीने प्रति युनिट ₹5.910 दर देत सर्वात कमी बोली लावणारी कंपनी म्हणून हा करार मिळवला. वीजपुरवठा 1 एप्रिल 2026 पासून सुरू होणार आहे.
आता प्रकल्पाच्या दोन्ही युनिट्ससाठी वीजपुरवठा करार निश्चित झाले असून कंपनीच्या एकूण कार्यरत क्षमतेपैकी 95% पेक्षा जास्त क्षमता मध्यम ते दीर्घकालीन करारांखाली सुरक्षित झाली आहे. त्यामुळे कंपनीला दीर्घकालीन उत्पन्नाचा स्पष्ट अंदाज मिळतो आणि अल्पकालीन बाजारातील चढ-उतारांचा धोका कमी होतो. पुढील काही वर्षांत कंपनी आपल्या सर्व कार्यरत व बांधकामाधीन प्रकल्पांसाठी जवळपास 100% पीपीए सुनिश्चित करण्याचे उद्दिष्ट ठेवत आहे.
हा वीजपुरवठा करार तमिळनाडूतील ग्राहकांसाठी फायदेशीर ठरणार आहे. यामुळे 558 मेगावॅट अतिरिक्त, विश्वासार्ह आणि दर्जेदार वीज उपलब्ध होईल. त्यामुळे ग्रीडची स्थिरता अधिक मजबूत होईल आणि घरे, व्यवसाय तसेच उद्योगांना अखंडित वीजपुरवठा मिळण्यास मदत होईल. स्पर्धात्मक दरात वीज उपलब्ध झाल्याने येत्या काळात ग्राहकांना अधिक परवडणारी आणि विश्वासार्ह ऊर्जा मिळण्याची अपेक्षा आहे.
