स्वयंअध्ययन साहित्याबाबत उद्या विद्यापीठात कार्यशाळा

Oplus_131072

स्वयंअध्ययन साहित्याबाबत उद्या विद्यापीठात कार्यशाळा
कोल्हापूर,( प्रतिनिधी ): शिवाजी विद्यापीठातील दूरशिक्षण व ऑनलाईन शिक्षण केंद्र यांच्या वतीने पीएम. उषा योजने अंतर्गत विविध अभ्यासक्रमांचे अभ्यासमंडळ चेअरमन व घटक लेखक असणारे शिक्षक यांच्यामध्ये स्वयंअध्ययन साहित्य लेखनाच्या दृष्टीने अधिकची प्रगल्भता,शैक्षणिक गुणवत्ता पूर्ण व प्रभावी करण्याच्या अनुषंगाने नवीन शैक्षणिक तंत्रज्ञानाचा वापर करण्यासाठी “स्वयं अध्ययन साहित्य विकास आणि संपादन” या विषयावर एकदिवसीय कार्यशाळेचे उद्या, मंगळवारी (दि.३०) सकाळी १० वाजता दूरशिक्षण व ऑनलाईन शिक्षण केंद्र येथे आयोजन करण्यात आल्याची माहिती संचालक डॉ.कृष्णा पाटील यांनी दिली.
या कार्यशाळेचे उद्घाटन केंद्रीय शिक्षण मंत्रालयाच्या विद्यापीठ अनुदान आयोगाचे सहा.सचिव डॉ.मधुकर वावरे यांच्या हस्ते होणार असून अध्यक्षस्थानी प्रभारी प्र-कुलगुरू प्रा.डॉ.ज्योती जाधव असतील. माजी परीक्षा नियंत्रक डॉ.बी.एम.हिर्डेकर व कुलसचिव डॉ.विलास शिंदे यांची प्रमुख उपस्थिती असणार आहे.
कार्यशाळा चार सत्रात होणार असून पहिल्या सत्रामध्ये ‘’ स्वयं अध्ययन साहित्य आणि संहिता लेखन” याविषयी डॉ. हिर्डेकर मार्गदर्शन करतील. दुसऱ्या सत्रामध्ये ‘कृती आधारित स्वयं अध्ययन साहित्याचे विकसन आणि त्यातील आयसीटीचा वापर’ याविषयी डॉ.नीलिमा सप्रे मार्गदर्शन करतील. तिसऱ्या सत्रामध्ये ‘भाषाशैली आणि भाषा रचना’ याविषयी डॉ.अनिल गवळी आणि चौथ्या सत्रामध्ये ‘स्वयं अध्ययन साहित्य आणि संपादन’ याविषयी डॉ.संजीवनी महाले मार्गदर्शन करतील.