no images were found
अंबुजा सिमेंट्सच्या संचालक मंडळाने एसीसी आणि ओरिएंट सिमेंटच्या विलिनीकरणास दिली मंजुरी
भारताच्या सिमेंट क्षेत्रात उभारला जाणार मजबूत ‘वन सिमेंट प्लॅटफॉर्म’
अहमदाबाद,:भारताच्या सिमेंट उद्योगासाठी ऐतिहासिक ठरणाऱ्या या निर्णयात, अदाणी समूहातील कंपनी अंबुजा सिमेंट्स लिमिटेडच्या संचालक मंडळाने एसीसी लिमिटेड आणि ओरिएंट सिमेंट लिमिटेड यांचे अंबुजा सिमेंट्समध्ये विलिनीकरण करण्यासाठी दोन स्वतंत्र योजनांना मंजुरी दिली आहे. या एकत्रीकरणाचा उद्देश मोठ्या प्रमाणावर, अधिक कार्यक्षम आणि स्पर्धात्मक असा ‘वन सिमेंट प्लॅटफॉर्म’ उभारणे हा आहे.
हे विलिनीकरण भारतातील सिमेंट क्षेत्रात एक दिग्गज कंपनी निर्माण करण्याच्या दिशेने महत्त्वाचे पाऊल मानले जात आहे. यामुळे उत्पादन आणि लॉजिस्टिक्स नेटवर्कमध्ये सुधारणा, कॉर्पोरेट रचनेचे सुलभीकरण, बॅलन्स शीट अधिक मजबूत करणे तसेच वाढीसाठी कार्यक्षम भांडवली वाटप शक्य होणार आहे. नेटवर्क, ब्रँडिंग आणि विक्री प्रचाराशी संबंधित खर्चात कपात होऊन खर्च कमी होईल आणि मार्जिनमध्ये किमान ₹100 प्रति मेट्रिक टन (PMT) सुधारणा होण्याची अपेक्षा आहे.
विलिनीकरण योजनेनुसार,
एसीसी लिमिटेडच्या प्रत्येक 100 इक्विटी शेअर्सच्या (फेस व्हॅल्यू ₹10) बदल्यात, अंबुजा सिमेंट्स पात्र भागधारकांना 328 इक्विटी शेअर्स (फेस व्हॅल्यू ₹2) जारी करेल.
ओरिएंट सिमेंट लिमिटेडच्या प्रत्येक 100 इक्विटी शेअर्सच्या (फेस व्हॅल्यू ₹1) बदल्यात, अंबुजा सिमेंट्स पात्र भागधारकांना 33 इक्विटी शेअर्स (फेस व्हॅल्यू ₹2) जारी करेल.
आवश्यक नियामक आणि वैधानिक मंजुरींच्या अधीन राहून, ही विलिनीकरण प्रक्रिया पुढील एक वर्षात पूर्ण होण्याची अपेक्षा आहे.
अंबुजा सिमेंट्स लिमिटेडचे नॉन एक्झिक्युटिव्ह डायरेक्टर श्री करण अदाणी यांनी सांगितले,“हे एकत्रीकरण जागतिक स्तरावर स्पर्धात्मक, एकात्मिक सिमेंट आणि बांधकाम साहित्य संस्था उभारण्याच्या दिशेने एक परिवर्तनकारी पाऊल आहे. अंबुजा सिमेंट्स, एसीसी आणि ओरिएंट सिमेंट यांना एका एकात्मिक कॉर्पोरेट रचनेखाली आणून, आम्ही कार्यक्षमतेत वाढ, वाढीला गती आणि दीर्घकालीन मूल्यनिर्मितीची आमची क्षमता अधिक मजबूत करत आहोत. हे विलिनीकरण भविष्यातील वाढीस पाठबळ देण्यासाठी मजबूत आणि कर्जमुक्त बॅलन्स शीट तयार करेल.”
हे एकत्रीकरण अदाणी समूहाच्या सिमेंट व्यवसायासाठी महत्त्वाचे ठरणार असून, त्यामुळे अधिक मोठ्या प्रमाणावर कार्य करणारी, जास्त कार्यक्षम आणि मजबूत आर्थिक स्थिती असलेली एकात्मिक कंपनी उभी राहणार आहे.
विलिनीकरणाचे प्रमुख फायदे:
परिचालन आणि आर्थिक समन्वय: उत्पादन आणि लॉजिस्टिक्समध्ये सुधारणा होऊन नफाक्षमता वाढेल आणि भागधारकांना अधिक चांगले परतावे मिळतील.
सुलभ कॉर्पोरेट रचना: संरचनात्मक पुनरावृत्ती दूर होईल, प्रशासकीय खर्च कमी होईल आणि निर्णय प्रक्रिया अधिक जलद बनेल. एसीसी, ओरिएंट, पेन्ना आणि सांघी आता अंबुजा सिमेंट्सचे अविभाज्य घटक असतील.
मजबूत आणि कर्जमुक्त बॅलन्स शीट: हा उपक्रम आर्थिक वर्ष 2028 पर्यंत अंबुजा सिमेंट्सची उत्पादन क्षमता 107 एमटीपीएवरून 155 एमटीपीए पर्यंत वाढवण्याच्या धोरणाशी सुसंगत आहे.
मजबूत संस्थेमध्ये थेट सहभाग: भागधारकांना आता अधिक चपळ, एकात्मिक आणि भविष्यासाठी सज्ज अशा अग्रगण्य सिमेंट कंपनीत थेट सहभागाची संधी मिळेल.
वाढता आकार आणि बाजार नेतृत्व: अंबुजा आणि एसीसीसारखे प्रतिष्ठित ब्रँड एकाच छताखाली येतील. ‘अदाणी अंबुजा सिमेंट्स’ आणि ‘अदाणी एसीसी’ हे ब्रँड त्यांच्या-त्यांच्या बाजारात पूर्वीप्रमाणे कार्यरत राहतील.
हितधारक-केंद्रित दृष्टीकोन: सांघी इंडस्ट्रीज आणि पेन्ना सिमेंटच्या विलिनीकरणाच्या योजना देखील विविध मंजुरी टप्प्यांमध्ये आहेत. मंजुरीनंतर सर्व हितधारक एका एकात्मिक कंपनीशी जोडले जातील.
एकात्मिक ईएसजी नेतृत्व: विलीन झालेली संस्था नवीकरणीय ऊर्जेचा अवलंब आणि कमी कार्बन सिमेंट उपाययोजनांना प्रोत्साहन देण्यासाठी एकात्मिक ईएसजी चौकटीचा लाभ घेईल.
