शिक्षणशास्त्र विभागात सहा दिवसीय कार्यशाळेस प्रारंभ

Oplus_131072

शिक्षणशास्त्र विभागात सहा दिवसीय कार्यशाळेस प्रारंभ
कोल्हापूर, (प्रतिनिधी): शिवाजी विद्यापीठाचा शिक्षणशास्त्र अधिविभाग आणि महिंद्रा प्राइड क्लासरूम, नांदी फाउंडेशन, हैदराबाद यांच्या वतीने “जॉब रेडीनेस अंडर एम्प्लॉएबिलीटी स्किल्सस फॉर स्टुडंट टीचर” या विषयावर सहा दिवसीय कार्यशाळेचे आयोजन करण्यात आले आहे.
काल (दि.१५) डिसेंबर रोजी कार्यशाळेचे उद्घाटन करण्यात आले. २० डिसेंबरपर्यंत चालणाऱ्या या कार्यशाळेत शिक्षक, विद्यार्थ्यांना एकविसाव्या शतकातील कौशल्ये व जागतिक शिक्षणाचे बदलते स्वरूप याचे आकलन व त्याची तयारी याविषयी सविस्तर मार्गदर्शन करण्यात येणार असल्याचे समन्वयक डॉ.विद्यानंद खंडागळे यांनी सांगितले. विद्यापीठ परिक्षेत्रातील विद्यार्थ्यांनी यामध्ये सहभाग नोंदविला आहे. कार्यशाळेमध्ये स्त्री शिक्षकांचा व्यक्तिमत्व विकास व सक्षमीकरण या विषयाच्या अनुषंगाने महिंद्रा प्राइड क्लासरूमच्या मुस्कान चावला प्रशिक्षक म्हणून कार्य पाहत आहे. शिक्षणशास्त्र अधिविभागप्रमुख डॉ. चेतना सोनकांबळे यांच्या मार्गदर्शनाखाली कार्यशाळा सुरू आहे.