कोल्हापूरचा आदित्य सावळकर वरिष्ठ राष्ट्रीय बुद्धिबळ पंच परीक्षेत उत्तीर्ण   

Oplus_131072

कोल्हापूरचा आदित्य सावळकर वरिष्ठ राष्ट्रीय बुद्धिबळ पंच परीक्षेत उत्तीर्ण                                                                                                                                                                         कोल्हापूर (प्रतिनिधी):- अंधेरी,मुंबई  येथे एक व दोन नोव्हेंबर रोजी अखिल भारतीय बुद्धिबळ संघटना, महाराष्ट्र बुद्धिबळ संघटना व मुंबई सबर्बन संघटनेने आयोजित केलेल्या वरिष्ठ राष्ट्रीय बुद्धिबळ पंच चर्चासत्र व परीक्षेत कोल्हापूरचा आदित्य सावळकर उत्तीर्ण झाला आहे. आंतरराष्ट्रीय पंच नितीन शेणवी यांच्या मार्गदर्शनाखाली दोन दिवस झालेले चर्चासत्र व त्यानंतर घेण्यात आलेल्या परीक्षेत देशाच्या कानाकोपऱ्यातून 56 बुद्धिबळपटू सहभागी झाले होते. त्यामध्ये कोल्हापूरचा आंतरराष्ट्रीय गुणांकन प्राप्त बुद्धिबळपटू आदित्य सावळकरही सहभागी झाला होता. परीक्षेचा निकाल काल जाहीर झाला. पहिल्याच प्रयत्नात आदित्यने मिळवलेल्या यशाबद्दल त्याचे सर्वत्र कौतुक होत आहे. आदित्य शिवाजी विद्यापीठांमध्ये बी.ए. स्पोर्ट्स च्या तिसऱ्या वर्षात शिकत असून त्याला शिवाजी विद्यापीठाच्या क्रीडा विभागाचे संचालक व विभाग प्रमुख डॉ.शरद बनसोडे, चेस असोसिएशन कोल्हापूरचे अध्यक्ष व आंतरराष्ट्रीय पंच भरत चौगुले सचिव व फिडे इन्स्ट्रक्टर मनिष मारुलकर, आदित्यचे आई-वडील अंजली व मुकुंद सावळकर या सर्वांचे प्रोत्साहन व मार्गदर्शन लाभले.