no images were found
एलआयसी ही फक्त एक कंपनी नाही, ती एक अशी प्रतिज्ञा आहे जी परदेशी अहवालांमुळे डगमगत नाही!
• परदेशी आरोपांच्या दरम्यान भारतीयांचा ठाम प्रतिसाद: एलआयसीवरील विश्वास अढळ आहे
• एलआयसीने कमावला 120% नफा — पण वॉशिंग्टन पोस्ट ला दिसला तोटा!
दिल्ली ; भारतामध्ये जर कोणत्याही संस्थेवर सर्वात खोल विश्वास असेल, तर ती आहे एलआयसी म्हणजेच भारतीय जीवन विमा निगम.ही केवळ एक विमा कंपनी नाही, तर कोट्यवधी भारतीयांच्या स्वप्नांची आणि सुरक्षिततेची प्रतीक आहे.लहान शहरातील शिक्षक असो वा महानगरातील व्यावसायिक ,प्रत्येकजण आपल्या भविष्यासाठी एलआयसीला हमी मानतो. कोणाची मुलगी लग्नाला जात असेल, कोणाला घर बांधायचे असेल, किंवा निवृत्तीनंतरचा आधार हवा असेल तर प्रत्येक ठिकाणी एलआयसी साथ देते.
उदाहरणार्थ, महाराष्ट्रातील साताऱ्याचे रमेश पाटील. त्यांनी 25 वर्षांपूर्वी एलआयसीची पॉलिसी घेतली होती. 2025 मध्ये जेव्हा त्यांच्या मुलीच्या लग्नाचा प्रसंग आला, तेव्हा तीच पॉलिसी त्यांच्या आयुष्यात वरदान ठरली. “कंपन्या येतात- जातात, पण एलआयसी कायम साथ देते,” रमेश हसत म्हणतात.
या विश्वासाच्या मुळा फार खोल आहेत. स्वातंत्र्यानंतर जेव्हा देशाचा आर्थिक पाया तयार होत होता, तेव्हा 1956 मध्ये एलआयसीची स्थापना झाली. तेव्हापासून आजपर्यंत प्रत्येक आर्थिक संकटात, प्रत्येक सरकारच्या काळात आणि बदलत्या काळाच्या वादळातही एलआयसीने लोकांचे पैसे सुरक्षित ठेवले आहेत. 1991 मधील आर्थिक सुधारणा असो वा कोविड-19 महामारीचा काळ,एलआयसीने आपली पत कधीही गमावली नाही.
एलआयसी फक्त विमा विकत नाही तर ती विश्वास विकते. प्रत्येक गावात तिचा एजंट हा जणू कुटुंबातील सदस्यासारखा असतो. म्हणूनच आजही भारतात 30 कोटींपेक्षा जास्त पॉलिसी सक्रिय आहेत , हे कोणत्याही खासगी कंपनीसाठी अशक्य आकडे आहेत.
जेव्हा वॉशिंग्टन पोस्ट सारख्या परदेशी माध्यमाने ऑक्टोबर 2025 मध्ये एलआयसीवर अडाणी समूहाला मदत केल्याचा आरोप केला, तेव्हा लोकांनी त्यावर फक्त हसून प्रतिक्रिया दिली. त्यांना माहीत होते की एलआयसीचे गुंतवणूक निर्णय पूर्ण धोरणात्मक चौकटीत, सखोल तपासणीनंतरच घेतले जातात. आणि जेव्हा एलआयसीने स्पष्ट केले की अडाणी समूहातील गुंतवणूक तिच्या एकूण पोर्टफोलिओच्या 1% पेक्षाही कमी असून त्यावर तिला 120% नफा झाला आहे,तेव्हा लोकांचा विश्वास आणखी दृढ झाला.
अशा वेळी, जेव्हा भारतात बिहार विधानसभा निवडणुकांचा लोकशाही उत्सव साजरा होत आहे, तेव्हा वॉशिंग्टन पोस्ट सारख्या संस्थांचे हे निराधार अहवाल असे वाटतात की ते काही विशिष्ट पत्रकार आणि त्यांच्या राजकीय आश्रयदात्यांची आखलेली रणनीती आहे ,जे स्वतः जनतेचा विश्वास गमावले आहेत आणि निवडणुकांमध्ये वारंवार अपयशी ठरत आहेत.
