no images were found
मोहित मलिक यांनी शेअर केला फिटनेस मंत्रा
सोनी सबवरील “गाथा शिव परिवार की” या मालिकेतील गणेश कार्तिकेय यांनी आपल्या महाकाव्य कथाकथनाने प्रेक्षकांची मने जिंकली आहेत. भगवान शिव (मोहित मलिक), देवी पार्वती (श्रेणू पारीख), आणि त्यांचे पुत्र भगवान गणेश (एकांश कथरोटिया) व भगवान कार्तिकेय (सुभान खान) यांनी शिव परिवाराचा असाधारण प्रवास जिवंत केला आहे. या मालिकेत या दैवी कुटुंबातील भावना, नातेसंबंध आणि आव्हानांचा सुंदर रीतीने शोध घेण्यात आला आहे. भव्यता आणि पौराणिक कथांपलीकडे जाऊन कलाकारांचे कथेतील समर्पण आणि तयारी पात्रांमधील प्रामाणिकपणा आणि तयारी दर्शवते, त्यामुळे कथा वास्तविक आणि सुसंबद्ध वाटते.
भगवान शिवाची भूमिका साकारणाऱ्या मोहित मलिक यांच्यासाठी शारीरिक तंदुरुस्ती आणि मानसिक शांतता यांच्यातील संतुलन राखणे हे त्याच्या पात्रातील शांत, संयमी ऊर्जेचे मूर्त रूप धारण करण्यासाठी महत्त्वाचे आहे. नियमित व्यायाम आणि ध्यानधारणेपासून ते सजग आहार व स्वतःची काळजी घेण्यापर्यंत त्यांची शिस्तबद्ध जीवनशैली भगवान शिवाच्या शांती आणि शक्तीचे सार प्रतिबिंबित करते.
आपल्या दिनचर्येबद्दल बोलताना ते म्हणाले, “तंदुरुस्ती आणि ध्यान मला भूमिकेशी केंद्रित ठेवते. मी जेव्हा भगवान शिवाच्या भूमिकेत पाऊल ठेवतो तेव्हा वरील दोन्हीही महत्त्वाचे असतात. मी शूटिंगला जाण्यापूर्वी आठवड्यातून पाच दिवस सराव करतो आणि त्याने माझ्या संपूर्ण दिवसाचा सूर सेट होतो. ज्या दिवशी मला व्यायाम करणे जमत नाही त्या दिवशी मला अस्वस्थ आणि सुस्त वाटते. ध्यान मला लक्ष केंद्रित करण्यास मदत करते आणि मी सेटवर तसेच प्रवास करताना अनेकदा त्याचा सराव करतो, तो वेळ शांत चिंतनाच्या क्षणात परिवर्तित होतो. यासोबतच मी दिवसातून चार संतुलित जेवणांसह योग्य आहाराचे पालन करतो, साखर आणि तळलेले अन्न टाळून प्रथिने आणि फायबरवर लक्ष केंद्रित करतो. योग आणि श्वासोच्छ्वासाचे व्यायामसुद्धा माझ्या तयारीचा एक मोठा भाग बनले आहेत, ते मला भगवान शिवाच्या मूर्त स्वरूपातील शांतता आणि संयम राखण्यास मदत करतात. भगवान शिवाची भूमिका साकारण्यासाठी शक्ती आणि शांतता दोन्ही आवश्यक आहेत. ही शिस्तबद्ध दिनचर्या मला वास्तवाचे भान राखून पात्राच्या ऊर्जेशी जोडलेली ठेवते. कधी कधी मी रात्री एक तास चालायला जातो, पॉडकास्ट ऐकतो किंवा एकांतात शांत वेळ घालवतो. हा माझा रिचार्ज करण्याचा आणि जागरूक राहण्याचा एक मार्ग आहे.”
