no images were found
ईस्टमन कंपनीने प्रगत सौर उत्पादनांच्या श्रेणीसह महाराष्ट्रात केला अक्षय ऊर्जा क्षेत्रात विस्तार
सांगली : सौरऊर्जा उत्पादनांच्या क्षेत्रातील आघाडीची कंपनी ईस्टमन ऑटो अॅण्ड पॉवर लिमिटेड ने महाराष्ट्रात उच्च कार्यक्षमतेच्या सौरऊर्जा उत्पादनांच्या व्यापक श्रेणीसह विस्तार सुरू केला आहे.राज्यातील विश्वासार्ह आणि शाश्वत ऊर्जेची वाढती गरज लक्षात घेता, ईस्टमन आता ग्रीड टाय इन्व्हर्टर, हायब्रिड इन्व्हर्टर, ऑफ-ग्रीड इन्व्हर्टर, लीड-अॅसिड व लिथियम बॅटऱ्या आणि सौर पॅनेल्स यांचा समावेश असलेली उत्पादनांची सशक्त श्रेणी सादर करत आहे. ही सर्व उत्पादने निवासी, व्यावसायिक आणि औद्योगिक ग्राहकांच्या गरजा लक्षात घेऊन विकसित करण्यात आली आहेत.
ईस्टमनची इन्व्हर्टर श्रेणी रूफटॉप सौर प्रणालीशी अखंडपणे एकत्रित होईल, अशा प्रकारे डिझाइन करण्यात आली आहे. या प्रणालीच्या साहाय्याने वापरकर्त्यांना अतिरिक्त सौरऊर्जा निर्माण करून ती ग्रीडमध्ये पाठविता येते. परिणामी, वीज बिलात लक्षणीय घट होते आणि पर्यावरणपूरक ऊर्जेच्या वापराला प्रोत्साहन मिळते.
महाराष्ट्र आपल्या सौरऊर्जा प्रयत्नांना गती देत असताना, ईस्टमनच्या प्रगत सौर उपायांचा उद्देश पारंपरिक ऊर्जा स्रोतांवरील अवलंबित्व कमी करणे आणि राज्याच्या स्वच्छ ऊर्जा उद्दिष्टांमध्ये योगदान देणे हाच आहे.
पुणे, छत्रपती संभाजीनगर, अहिल्यानगर, नागपूर, लातूर, सांगली आणि कोल्हापूर यांसारख्या प्रमुख बाजारपेठांमध्ये वेगाने वाढणारी उपस्थिती असलेल्या ईस्टमनने, मजबूत डीलर नेटवर्कद्वारे सर्व सौरऊर्जा उत्पादनांची सहज उपलब्धता सुनिश्चित केली आहे. हा एकच समाधानकारक दृष्टिकोन तुमच्या सर्व सौरऊर्जेशी संबंधित गरजांची पूर्तता करतो, ज्यास तज्ज्ञांचे तांत्रिक सहाय्य आणि शहरी तसेच ग्रामीण भागांमध्ये विश्वासार्ह विक्री-पश्चात सेवा लाभते.
