no images were found
तो झी टीव्हीवरील ‘सरु’ या मालिकेतून पुन्हा एकदा टेलिव्हिजनवर परत येतोय!
झी टीव्हीवरील ‘सरु’ मालिकेने प्रेक्षकांशी भावनिक नाते तयार केले आहे. हृदयाला स्पर्श करणारी कथा आणि दमदार अभिनयामुळे या मालिकेने सर्वांचे लक्ष वेधून घेतले आहे. जसजसा हा शो पुढे जातो आहे तसतसा सरु (मोहक मटकर) चा मोठ्या शहरातला प्रवास तिच्या धैर्य आणि आत्मविश्वासाचे प्रतिबिंब बनत आहे. या प्रवासात अनेक रंगतदार पात्रेही तिच्या सोबत आहेत आणि त्यातलंच एक पात्र म्हणजे नारायणजी – ज्याला शोमध्ये एनजे म्हणून ओळखले जाते आणि हे पात्र साकारत आहेत प्रसिद्ध अभिनेता आणि हास्यकलाकार एहसान कुरेशी.
गेल्या कित्येक वर्षांपासून एहसान कुरेशी आपल्या प्रसिद्ध शायरी आणि अफलातून कॉमिक टाइमिंगमुळे संपूर्ण देशाला हसवत आले आहेत. प्रेक्षक त्यांच्या शैलीचे चाहते आहेत. आणि आता तब्बल 6 वर्षांच्या विश्रांतीनंतर ते पुन्हा टेलिव्हिजनवर परत येत आहेत, आणि पुन्हा एकदा लोकांना हसवण्याचे काम करत आहेत – ज्यात ते तरबेज आहेत.
टेलिव्हिजनवर पुनरागमन करताना एहसान एका अशा भूमिकेत झळकणार आहेत, जी त्यांच्या हास्यप्रद आणि कवितेतल्या अंगाला अगदी नैसर्गिकरित्या समोर आणते. ते वेद (शगुन पांडे) यांचा बालपणीचा काळजीवाहू आणि आयुष्यभराचा विश्वासू मित्र आहेत. एनजे फक्त साथी नाही तर मार्गदर्शक, सल्लागार आणि वेदच्या आयुष्यात आनंद व ऊब देणारा एक आधारस्तंभ आहे. शायरीने भरलेली त्यांची पंचलाईन आणि कमालीचं वेळेचं भान यामुळे एनजे एक हलकंफुलकं आणि तरीही भावनिकदृष्ट्या मजबूत पात्र म्हणून दिसणार आहे.
आपल्या भूमिकेबद्दल आनंद व्यक्त करताना एहसान कुरेशी म्हणाले, “खूप दिवसांनंतर मी पुन्हा कॅमेरासमोर उभा आहे, पण ना माईकपासून दूर गेलोय, ना विनोदाच्या सवयीपासून! झी टीव्हीवरील माझ्या पहिल्याच मालिकेसाठी काम करायला मी उत्सुक आहे आणि शशि सुमीत प्रॉडक्शन्सच्या अद्वितीय टीमसोबत पुन्हा एकदा काम करण्याची संधी मिळाल्यामुळे मी अतिशय आनंदित आहे. सरुच्या जगात पाऊल ठेवताना असं वाटतंय की हे माझ्या आयुष्यातील पुढचे पान आहे. या मालिकेमध्ये अर्थ आहे आणि भावनिक खोलपणाही. एनजे माझ्यासाठी फक्त पात्र नाही – तो प्रत्येकाचा आवाज आहे, जो आयुष्यातल्या अवघड वळणांवरही हसणं कसं जपावं हे जाणतो. एनजे वेद आणि सरुच्या आयुष्यात एक सकारात्मक साथ आहे. शायरीद्वारे थोडंसं शहाणपण शेअर करायचं आणि विनोदाच्या माध्यमातून दिलासा द्यायचा – हेच मी सरुमध्ये आणू इच्छितोय.”
एहसान कुरेशी आता सरु मालिकेत आपला कवितेचा स्पर्श घेऊन येत आहेत आणि मालिकाही नवीन संघर्षांसोबत पुढे जात आहे – विशेषतः अनिका सरुच्या मार्गात नवनवीन अडथळे आणत आहे.
