no images were found
ई कन्टेटवर विद्यापीठात दोनदिवशीय कार्यशाळेचे आयोजन
कोल्हापूर( प्रतिनिधी ):-शिवाजी विद्यापीठाचे दूरशिक्षण व ऑनलाईन केंद्र आणि एम. ए. मास कम्युनिकेशन विभाग यांच्या संयुक्त विद्यमाने पीएम उषा योजनेअंतर्गत डिजिटल अ‍ॅन्ड डेव्हलमेंट ऑफ ई कन्टेन्ट फॉर ऑनलाईन लर्निंग या विषयावर दि. 29 आणि 30 जानेवारी 2025 रोजी दोनदिवशीय कार्यशाळा आयोजित केली आहे. दूरशिक्षण केंद्रात सकाळी 11 वाजता कार्यशाळेचे उद्घाटन होणार आहे.
राज्य शासनाच्या मुंबई येथील महास्वयंमचे प्रशिक्षक गणेश लोखंडे प्रमुख मार्गदर्शक म्हणून उपस्थित राहणार आहेत. त्यांच्याशिवाय कोल्हापुरातील सायबर कॉलेजचे डॉ. राजेंद्र पारिजात आणि व्हिडिओ एडिटर अक्षय दळवी कार्यशाळेत प्रशिक्षण देणार आहेत. या कार्यशाळेला उपस्थित राहावे असे आवाहन दूरशिक्षण केंद्राचे प्रभारी संचालक डॉ. के. बी. पाटील आणि मास कम्युनिकेशनचे समन्वयक डॉ. शिवाजी जाधव यांनी केले आहे.
