रशियाने भारताला दिली मोठी ऑफर!

मॉस्कोने भारताला आपले सर्वात शक्तिशाली बॉम्बर विमान Tu-160 व्हाईट स्वान देऊ केले आहे. हे जगातील सर्वात मोठे आणि वजनदार बॉम्बर आहे. यामुळे भारताच्या शत्रूंची झोप उडू शकते.
भारताच्या लढाऊ ताफ्यात एकही बॉम्बर विमान नाहीये. पण भारताचा जुना मित्र रशिया भारताला ते पुरवू शकतो. त्यांच्याकडे सर्वात प्रगत असे बॉम्बर TU-160 आहे. जो तो भारताला ऑफर करत आहे. व्हाईट स्वान या नावाने ते ओळखले जाते. जे जगातील सर्वात प्रगत बॉम्बर्सपैकी एक मानले जाते. रशियाच्या प्रस्तावावर भारत विचार करत असल्याची चर्चा आहे. सोव्हिएत काळातील तुवालेप डिझाईन ब्युरोने 1970 च्या दशकात लांब पल्ल्याचे बॉम्बर तयार करण्याचे काम सुरू केले. 1980-90 दरम्यान रशियन हवाई दलात त्याचा समावेश करण्यात आला. चार टर्बोजेट इंजिन असलेले Tu-160 बॉम्बर हे अजूनही जगातील सर्वात मोठे आणि वजनदार लढाऊ विमान आहे. रशियन बॉम्बर एका वेळी 12300 किलोमीटर उडू शकते. म्हणजे हा बॉम्बर चीनमधील कोणत्याही शहरावर हल्ला करून परत येऊ शकतो.
हे विमान सुपरसॉनिक वेगाने उड्डाण करू शकते. सुपरसॉनिक म्हणजे ध्वनीच्या वेगापेक्षा वेगाने उड्डाण, जे ताशी 1236 किलोमीटर आहे. यामुळे विमान अधिक वेगाने जाऊ शकते. Tu-160 मध्ये व्हेरिएबल स्वीप विंग आहेत, जे त्यांचे कोन बदलू शकतात. हे विमानाला वेगवेगळ्या गती आणि मोहिमांच्या प्रकारांशी जुळवून घेण्यास मदत करते, ज्यामुळे ते सर्वात वेगवान बॉम्बर बनते.
चार इंजिन असल्यामुळे, त्याच्या ऑपरेशनमध्ये मोठ्या प्रमाणात इंधन वापरले जाते. विमानात वापरल्या जाणाऱ्या इंधनाची किंमत प्रदेश आणि वेळेनुसार बदलू शकते. एका अंदाजानुसार, इंधन, देखभाल आणि क्रू यासह, त्याच्या ऑपरेशनसाठी प्रति तास $19,000 ते $30,000 खर्च येऊ शकतो. त्या तुलनेत, भारताकडे आधीच उपलब्ध असलेल्या फ्रेंच राफेलच्या ऑपरेशन दरम्यान दर तासाला फक्त $16,000 खर्च केले जातात.
बॉम्बरची किंमत किती असेल?
सध्याच्या अंदाजानुसार, रशियाच्या नवीन किंवा नूतनीकरण केलेल्या Tu-160 च्या एका युनिटची किंमत $300 दशलक्ष म्हणजेच अंदाजे 25,33,58,47,770 रुपये असू शकते. रशिया ही विमाने सतत अपग्रेड करत असल्याने ते कोणत्याही नवीन खरेदीवर पुढे जाऊ शकतात. विमानाच्या किमतीमध्ये सोबतची उपकरणे, प्रशिक्षण, आधारभूत सुविधा आणि देखभाल यांचाही समावेश होतो. अशा प्रकारे त्याची एकूण किंमत 35 कोटी डॉलरपर्यंत असू शकते.