कोल्हापूर (प्रतिनिधी): शिवाजी विद्यापीठाच्या बी. ए. फिल्म कोर्सच्या वतीने दि. 19 ऑक्टोबर 2024 रोजी सकाळी 11 ते 2 या वेळेत सचिन जाधव आणि नचिकेत वायकर दिग्दर्शित ‘तेंडल्या’ या राष्ट्रीय पुरस्कार प्राप्त चित्रपटाचे स्क्रीनिंग आयोजित करण्यात आले आहे. शिवाजी विद्यापीठाच्या मानव्यशास्त्र सभागृहामध्ये हे स्क्रीनिंग होणार असून सर्वांसाठी ते खुले आहे. ‘तेंडल्या’ चित्रपटाला बेस्ट ऑडिओग्राफी नॅशनल अवॉर्ड त्याचबरोबर महाराष्ट्र स्टेट बेस्ट डेब्युट डिरेक्टर आणि बेस्ट डेब्युट ऍक्टर, बेस्ट फिल्म, बेस्ट चाईल्ड आणि बेस्ट एडिटर अवॉर्डने गौरवण्यात आले  आहे. स्क्रीनिंग नंतर दिग्दर्शक सचिन जाधव चित्रपटाची निर्मिती प्रक्रिया या विषयावर संवाद साधणार आहेत. सर्वांनी या स्क्रीनिंगमध्ये आणि त्यानंतरच्या चर्चेत सहभागी व्हावे, असे आवाहन मास कम्युनिकेशन आणि बी. ए. फिल्म मेकिंगचे समन्वयक डॉ. शिवाजी जाधव यांनी केले आहे.