न्यू पॉलिटेक्निक मध्ये इंजिनिअरिंग पदवी कोर्सेस सुरू करण्यास मान्यता

कोल्हापूर ( प्रतिनिधी ):-राजश्री छत्रपती शाहू महाराज यांनी स्थापन केलेल्या महाराष्ट्र शासनाचा आदर्श शिक्षण संस्था पुरस्कार प्राप्त , नॅक ए+व एन. बी. ए .मानांकित श्री प्रिन्स शिवाजी मराठा बोर्डिंग हाऊस कोल्हापूर या संस्थेच्या उचगाव येथील न्यू पॉलिटेक्निक कॉलेजमध्ये डिग्री इंजिनिअरिंग कोर्सेस सुरू करण्यात अखिल भारतीय तंत्र शिक्षण परिषद नवी दिल्ली कडून मान्यता मिळाली आहे. त्याचबरोबर न्यू पॉलिटेक्निकचे नामांतर आता नव्याने न्यू इन्स्टिट्यूट ऑफ टेक्नॉलॉजी असे झाल्याची माहिती चेअरमन डॉ. के.जी. पाटील यांनी पत्रकार परिषदेत दिली. बहुजनांच्या या संस्थेत डिग्री इंजिनिअरिंग कॉलेज सुरू व्हावे ही संस्थेची पदाधिकारी, सभासद ,माजी विद्यार्थी, हितचिंतक, शिक्षण क्षेत्रातील मान्यवर यांची असलेली बहुप्रतिक्षित इच्छा पूर्ण झाली आहे, असेही ते पुढे म्हणाले .गेल्या 40 वर्षापासून तंत्रशिक्षणात दीपस्तंभ ठरत हजारो सक्षम अभियंते घडविणारी न्यू पॉलिटेक्निक आता नव्या रूपात देशपातळीवर नावलौकिक प्राप्त करेल असा विश्वास ही अध्यक्ष बी.जी .बोराडे यांनी व्यक्त केला .उच्चशिक्षित अनुभवी प्राध्यापक ,अद्यावत लॅब,स्मार्ट क्लासरूम ,डिजिटल ग्रंथालय ,विकासात्मक उपक्रम ,औद्योगिक सुसंवाद यातून उद्योगस्नेही अभियंते घडविण्यासोबत आता संशोधन ,उद्योजकता विकास, स्टार्टअप निर्मिती, उद्योग प्रायोजित लॅब द्वारे प्रशिक्षण व कन्सल्टन्सी यावर भर देत एन.आय.टी .कोल्हापूर, ही उत्कृष्ट शैक्षणिक केंद्र बनविण्याची ध्येय असेल असे प्राचार्य तथा संस्था विकास अधिकारी डॉ. संजय दाभोळे यांनी म्हटले. शैक्षणिक वर्ष 2024 पासून 25 पासून एन .आय .टी. कोल्हापूर मध्ये नव्याने मेकॅनिकल अँड मेट्रो मॅकेडॉनिक्स, इलेक्ट्रिकल इलेक्ट्रॉनिक्स अँड पॉवर ,कॅम्पुटर सायन्स, हे उदयोन्मुख कल असलेले डिग्री कोर्सेस तर ऑटोमोबाईल, मेकॅनिकल, सिव्हिल,इलेक्ट्रिकल ,इलेक्ट्रॉनिक्स कम्प्युटर, एआयएमएल हे डिप्लोमा कोर्सेस उपलब्ध असतील अशी माहिती डॉ.दाभोळे यांनी दिली .या डिग्री कॉलेजच्या मान्यतेसाठी संस्थेची व्हा.चेअरमन डी.जी .किल्लेदार, खजाणीस वाय . एस चव्हाण यांचे सहकार्य लाभले ,आणि प्रशासकीय अधिकारी संदीप पंडे यांनी विशेष परिश्रम घेतले. पत्रकार परिषदेस रजिस्टर डॉ. नितीन पाटील ,विभाग प्रमुख सुभाष यादव ,संग्राम पाटील ,सुहास देशमुख ,बाजीराव राजगिरे ,दीपक जगताप,विक्रम गवळी ,प्रवीण जाधव आदी उपस्थित होते.