no images were found
दिवाळीत प्रदर्शित होणार अक्षयकुमारचा राम सेतू
अक्षय कुमारचा आगामी चित्रपट राम सेतूची मोठी उत्सुकता आहे. नवरात्रीच्या पहिल्याच दिवशी चित्रपट कधी प्रदर्शित होणार हे जाहीर करण्यात आले. हा चित्रपट दिवाळीत २५ ऑक्टोबर रोजी प्रदर्शित होणार आहे. चित्रपटाचा सोमवारी टीझर पाहायला मिळाला. चित्रपट समीक्षक तरण आदर्श यांनी सोशल मीडिया प्लॅटफॉर्मवर याबाबतची माहिती दिली आहे.
चित्रपटगृहात प्रदर्शित झाल्यानंतर चित्रपट ॲमेझॉन प्राईमवर पहायला मिळेल. चित्रपटात अक्षय कुमार व्यतिरिक्त जॅकलीन फर्नांडिस आणि नुसरत भरूचा प्रमुख भूमिकेत आहेत. टीझर व्हिडिओमध्ये अक्षय ॲक्शन अवतारात खास मिशनवर दिसत आहे. हे मिशन म्हणजे राम सेतू वाचवण्याचे आहे. ज्यासाठी त्याच्याकडे फक्त ३ दिवस आहेत. चित्रपटाची कथा भारतीय पौराणिक कथांवर आधारित असल्याचे टीझरवरून स्पष्ट झाले आहे. अक्षय हा पुरातत्वशास्त्रज्ञाच्या भूमिकेत भारतीय संस्कृतीचा वारसा जतन करण्याच्या मोहिमेत गुंतलेला दाखवण्यात आला आहे. मिशनमध्ये त्याला अभिनेत्री जॅकलीन फर्नांडिस साथ देत आहे. अक्षयला हे मिशन तीन दिवसांत पूर्ण करायचे आहे, असे टीझरमध्ये दाखवण्यात आले आहे.
