बादल पे पांव है’ या सोनी सबवरील नवीन मालिकेत झळकणार अमनदीप सिद्धू

सोनी सब हे चांगल्या कंटेंटचे भंडार आहे. नावीन्यपूर्ण आणि पुरोगामी कथानकांबद्दल ओळखल्या जाणाऱ्या या वाहिनीवरील सशक्त नायिका पारंपरिक टेलिव्हिजन संकेतांना नवीन आकार देत आहेत. सोनी सबवरील मालिकांचे प्रेक्षकांच्या हृदयात एक विशेष स्थान आहे आणि प्रेक्षक नवीन मालिकांची प्रतीक्षा नेहमीच करत असतात.उत्सुक प्रेक्षकांसाठी सोनी सब यावेळी घेऊन येत आहे ‘बादल पे पांव है’ ही स्वप्नांची आणि दृढनिश्चयाची कहाणी. दमदार निर्माता द्वयी सरगुन मेहता आणि रवी दूबे यांच्या द्वारे प्रस्तुत या मालिकेत एका उत्साही मुलीची कहाणी आहे, जिच्या जीवनात समस्या तर आहेत, पण त्या समस्यांना न जुमानता ती मोठी स्वप्नं पाहते.

या मालिकेची नायिका मीत बानी अरोरा साकारली आहे गुणी अभिनेत्री अमनदीप सिद्धूने. बानी ही काही एका छोट्या शहरातली साधीसुधी मुलगी नाही. ती अत्यंत उत्साही मुलगी आहे. तिची स्वप्नं उत्तुंग आहेत आणि निग्रह अफाट आहे. बनूर या छोट्या शहरात बानी आपल्या माता-पित्यासह आणि एका बहिणीसोबत राहते. सामान्य प्रतीचे जीवन जगण्यापेक्षा आव्हानांना सामोरे जाणे ती पसंत करते. तिच्या आकांक्षा खूप मोठ्या आहेत आणि स्टॉक आणि ट्रेडिंगच्या गतिशील विश्वाचे तिला आकर्षण आहे.

बानीचा प्रवास बघण्यासाठी सज्ज व्हा कारण ती एका अस्पर्श क्षेत्रात निडरतेने पदार्पण करत आहे आणि धाडसी पावले टाकत आपली स्वप्नं साकार करण्याचा तिचा निर्धार झाला आहे.

बानी ही मध्यवर्ती भूमिका करण्यास सज्ज झालेली अमनदीप सिद्धू म्हणते, “एक अनोखे आणि नावीन्यपूर्ण कथानक सादर करणाऱ्या मालिकेत काम करण्याची संधी मिळणे यापेक्षा एका अभिनेत्याला आणखी काय हवे असते?सोनी सबवरील ‘बादल पे पांव है’ ही अगदी तशीच मालिका आहे. जेव्हा मी पहिल्यांदा पटकथा वाचली, तेव्हाच माझ्या व्यक्तिरेखेशी मी तादात्म्य पावले.बानी, आपल्याला जे आयुष्य मिळाले आहे, तेवढ्यावरच समाधान मानणाऱ्यातली नाही; तर आणखी पुढे जाण्यासाठीची जिद्द तिच्यात आहे. ती फटाकड्या स्वभावाची आहे. ही व्यक्तिरेखा जिवंत करताना मला खूप मजा येत आहे.”