no images were found
शुक्रवारी पंडित दीनदयाल उपाध्याय रोजगार मेळाव्याचे आयोजन
कोल्हापूर : जिल्हा कौशल्य विकास, रोजगार व उद्योजकता मार्गदर्शन केंद्र व देशभक्त रत्नाप्पा कुंभार कॉलेज ऑफ कॉमर्स यांच्या संयुक्त विद्यमाने नोकरी इच्छुक उमेदवारांसाठी ‘पंडित दीनदयाल उपाध्याय रोजगार मेळावा’ शुक्रवार दि. 23 सप्टेंबर रोजी सकाळी 10.30 ते 2 या वेळेत देशभक्त रत्नाप्पा कुंभार कॉलेज ऑफ कॉमर्स येथे आयोजित केला आहे. मेळावा विनामूल्य असून जास्तीत-जास्त इच्छुक उमेदवारांनी उपस्थित राहून याचा लाभ घ्यावा, असे आवाहन सहायक आयुक्त सं.कृ. माळी यांनी केले आहे.
जिल्ह्यातील नामांकित खासगी आस्थापनेकडील ५८० पेक्षा जास्त रिक्तपदांच्या भरतीसाठी रोजगार मेळावा आयोजित केला आहे. रोजगार मेळाव्यात ७ वी ते पदव्युत्तर, आयटीआय डिप्लोमा, इंजिनिअर इ.नोकरी इच्छुक उमेदवारांची प्रत्यक्ष मुलाखतीद्वारे निवड केली जाणार आहेत. रिक्तपदांची माहिती www.rojgar.mahaswayam.gov.in या संकेतस्थळावर उपलब्ध असून अधिक माहितीसाठी जिल्हा कौशल्य विकास, रोजगार व उद्योजकता कार्यालयाच्या दूरध्वनी क्र ०२३१-२५४५६७७ वर संपर्क साधावा.
