“शिवाजी विद्यापीठ, कोल्हापूर येथे राष्ट्रसंत गाडगेबाबा महाराज जयंती उत्साहात साजरी”

कोल्हापूर (प्रतिनिधी) : दिनांक २३ फेब्रुवारी २०२४ रोजी एमबीए युनिट, वाणिज्य आणि व्यवस्थापन अधिविभाग यांच्यामार्फत शिवाजी विद्यापीठ, कोल्हापूर येथे स्वतःच्या कृतीतून स्वच्छतेचा संदेश देणारे, वैज्ञानिक दृष्टिकोन बाळगणारे व त्याचा प्रचार- प्रसार करणारे, दिवसा गावातील स्वच्छता करणारे आणि संध्याकाळी भजन व किर्तनाच्या माध्यमातून लोकांच्या मनातील उच्च-निच्चतेची, अंधश्रद्धेची, असमानतेची समानतेची दरी दूर करणारे राष्ट्रसंत गाडगेबाबा महाराज यांची जयंती मोठ्या उत्साहात साजरी करण्यात आली. सकाळी १०. १५ वाजता प्रशासकीय इमारतीमध्ये कुलगुरू प्रा. डॉ. डी. टी. शिर्के, प्र – कुलगुरू प्रा. डॉ. पी. एस. पाटील, कुलसचिव डॉ. व्ही. एन. शिंदे. यांच्या प्रमुख उपस्थितीत राष्ट्रसंत गाडगेबाबा महाराज यांच्या प्रतिमेला पुष्पहार अर्पण करून अभिवादन करण्यात आले. याप्रसंगी एमबीए विभागाचे प्र- संचालक प्रा. डॉ. ए. एम. गुरव, डॉ. दीपा इंगवले तसेच सर्व शिक्षक, प्रशासकीय वर्ग, व विद्यार्थी उपस्थतीत होते.