अग्निशमन विभागाकडील फायरमन संभाजी ढेपले यांना गोळाफेक मध्ये 

सुवर्णपदक

कोल्हापूर  : 2nd ऑल इंडीया फायर सर्विस स्पोर्ट कंट्रोल बोर्ड ॲण्ड फायर सर्विस मीट – 2024 च्यावतीने ऑल इंडीया फायर गेम्सचे सर्व अग्निशमन विभागाकडील अधिकारी व कर्मचारी यांच्यासाठी गुजरातमधील अहमदाबाद शहरामध्ये आयोजन करण्यात आले होते. यामध्ये गोळाफेकमध्ये 358 कर्मचा-यांमाधून कोल्हापूर महानगरपालिकेचा फायरमन संभाजी शंकर ढेपले यांनी सुवर्णपदक प्राप्त केले. त्यांच्या या उल्लेखनीय कामगिरीमुळे राष्ट्रीयस्तरावर महानगरपालिकेच्या लौकीकामध्ये भर पडली आहे. अग्निशमन विभागाकडील या जवानांना प्रशासक के. मंजुलक्ष्मी, अतिरिक्त आयुक्त रविकांत आडसुळ यांच्या मार्गदर्शनाखाली फायर गेम्ससाठी पाठवण्यात आले होते. यासाठी त्याला मुख्य अग्निशमन अधिकारी मनिष रणभिसे व महानगरपालिकेचे इतर अधिकारी यांचे सहकार्य लाभले.