कोयना धरण परिसर भूकंपाने हादरला

साताऱ्याच्या कोयना, पाटण भागात 3.1 रिश्टर स्केल तीव्रतेचा भूकंपाचा धक्का जाणवल्याची माहिती समोर आली आहे. यामुळे नागरिकांमध्ये प्रचंड भीतीचे वातावरण पाहायला मिळत आहे.

काल सायंकाळी 5 वाजून 6 मिनिटांनी हा भूकंप झाला. कोयना धरण परिसरातात जाणवलेला धक्का सौम्य होता. या भूकंपाची तीव्रता रिश्टर स्केलवर 3.1 एवढी नोंदवण्यात आली. या भूकंपाचा केंद्रबिंदू कोयना धरणापासून पश्चिमेस 6 किलोमीटर अंतरावर होता अशी माहिती आहे. या भूकंपामुळे कोयना धरणाला कोणताही धोका पोहोचला नाही अशी माहिती धरण व्यवस्थापनाच्या अधिकाऱ्यांनी दिली आहे. कोयना धरण परिसरात वारंवार भूकंपाचे धक्के जाणवत असतात. त्यामुळे नागरिकांनी भीती बाळगू नये असे आवाहन धरण व्यवस्थापन अधिकाऱ्यांकडून करण्यात आले आहे.