‘लेखक आपल्या भेटीला’ कार्यक्रमात विद्यापीठात कृष्णात खोत

कोल्हापूर : शिवाजी विद्यापीठात ‘लेखक आपल्या भेटीला’ या कार्यक्रमात शुक्रवारी (दि. ५ जानेवारी) सकाळी ११.३० वाजता साहित्य अकादमी पुरस्कारप्राप्त ‘रिंगाण’ या कादंबरीचे लेखक कृष्णात खोत  तसेच या कादंबरीच्या इंग्रजी अनुवादक प्रा. माया पंडित यांच्याशी मनमोकळ्या गप्पा मारता येणार आहेत.

विद्यापीठाच्या वनस्पतीशास्त्र अधिविभागाच्या  नीलांबरी सभागृहात होणाऱ्या या कार्यक्रमात कुलगुरू डॉ. दिगंबर शिर्के यांच्या हस्ते लेखक व अनुवादक यांचा सत्कार करण्यात येणार आहे. यावेळी ‘रिंगाण’वर होणार्‍या चर्चासत्रात प्रसिद्ध पर्यावरण अभ्यासक अतुल देऊळगावकर, विद्यापीठाचे कुलसचिव डॉ.  विलास शिंदे,  समीक्षक डॉ. रणधीर शिंदे आणि लेखक व अनुवादक डॉ. रघुनाथ कडाकणे सहभागी होणार आहेत. साहित्यप्रेमींनी या कार्यक्रमात सहभागी होऊन लाभ घ्यावा, असे इंग्रजी अधिविभागप्रमुख डॉ. तृप्ती करेकट्टी यांनी केले आहे.