no images were found
मालिका ‘भाबीजी घर पर है’मध्‍य इम्रान नाझीर खानचा प्रवेश
अनेक टेलिव्हिजन मालिका, ओटीटी, जाहिराती व म्‍युझिक अल्‍बम्‍समध्‍ये दिसण्‍यात आलेला इम्रान नाझीर खान एण्‍ड टीव्‍हीवरील क्‍लासिक विनोदी मालिका ‘भाबीजी घर पर है’मध्‍ये प्रवेश करण्‍यास सज्‍ज आहे. अभिनेता विभुती नारायण मिश्राचा (आसिफ शेख) धाकटा चुलत भाऊ आणि भारतीय राष्‍ट्रीय क्रिकेट संघाचा कर्णधार टिम्‍मीची भूमिका साकारणार आहे.
टिम्‍मीच्‍या भूमिकेबाबत सांगताना इम्रान नाझीर खान म्‍हणाला, ‘‘माझी भूमिका टिम्‍मी हा खेळाडू व भारतीय क्रिकेट संघाचा कर्णधार आहे. आसिफला त्याच्या या उपलब्‍धीचा खूप आदर आहे. आसिफने त्‍याला सुरूवातीच्‍या काळात क्रिकेट खेळण्‍याचे प्रशिक्षण दिले होते आणि त्‍याच्‍यामुळेच तो आता करिअरमध्‍ये यशस्‍वी झाला आहे. तो सामना खेळण्‍यासाठी कानपूरला येतो आणि त्‍याचा चुलत भाऊ विभुती नारायण मिश्रासोबत राहतो. मॉडर्न कॉलनीमधील सर्वजण त्‍याला पाहून थक्‍क होतात. तो अंगूरीला (शुभांगी अत्रे) पाहतो, तिच्‍या निरागसतेकडे आकर्षित होतो आणि तिच्‍याशी फ्लर्ट करायला लागतो, ज्‍यामुळे त्याच्या भावाला राग येतो.’’ अत्‍यंत लोकप्रिय मालिका ‘भाबीजी घर पर है’मध्‍ये सामील होण्‍याबाबत अभिनेता म्‍हणाला, ‘‘ही अद्भुत संधी आहे आणि मला मालिका ‘भाबीजी घर पर है’चा भाग होण्‍याचा आनंद होत आहे. मी नियमितपणे ही मालिका पाहत आलो आहे आणि विभुती हे माझे आवडते पात्र आहे. मी माझ्या स्‍वप्‍नात देखील कधी कल्‍पना केली नव्‍हती की कधीतरी मी या अद्भुत मालिकेचा भाग असेन आणि आसिफ शेख सरांसोबत काम करत असेन. मी गेल्‍या पाच वर्षांपासून या इंडस्‍ट्रीचा भाग असलो तरी पहिल्‍यांदाच माझे कुटुंब या मालिकेच्‍या एपिसोड्समध्‍ये मला पाहण्‍यास उत्‍सुक आहेत. ते देखील या मालिकेचे निस्‍सीम चाहते आहेत. ही निश्चितच भारतीय टेलिव्हिजनवरील विनोदी व सर्वात लक्षवेधक मालिका आहे आणि मला या मालिकेचा भाग असल्‍याने धन्‍य वाटते. विलक्षण, धमाल व रोचक भूमिका साकारणाऱ्या प्रत्‍येक कलाकाराच्‍या विनोदीशैलीने माझे लक्ष वेधून घेतले.’’
