no images were found
हॉस्पिटलच्या पहिल्या मजल्यावरून उडी मारून रुग्णाची आत्महत्या
कोल्हापूर : कोल्हापूर शहरातील लक्ष्मीपूरीमधील सूर्या हॉस्पिटलमध्ये उपचार घेणाऱ्या रुग्णांने हॉस्पिटलच्या पहिल्या मजल्यावरून उडी मारून आत्महत्या केली. ही धक्कादायक घटना आज (दि.0९) सकाळी पहाटेच्या सुमारास घडली.४८ वर्षीय जयसिंग ज्ञानदेव कणसे असे मृत झालेल्या रुग्णाचे नाव असून हातकणंगले तालुक्यातील शिरोली पुलाची गावचे ते रहिवासी आहेत.
मिळालेल्या माहितीनुसार काल (दि.0८) बुधवारी रोजी दुपारी जयसिंग ज्ञानदेव कणसे हॉस्पिटलमध्ये उपचारासाठी दाखल झाले होते. त्यांच्यावर उपचार सुरू असताना आज पहाटे साडेपाच वाजण्याच्या सुमारास हॉस्पिटलच्या पहिल्या मजल्यावरून त्यांनी उडी घेतली. डोक्याला वर्मी मार लागल्याने जागीच त्यांचा मृत्यू झाला, हॉस्पिटल प्रशासनाने याबाबतची माहिती लक्ष्मीपुरी पोलिसांना कळवली, मृतदेह शवविच्छेदनासाठी सीपीआरमध्ये दाखल करण्यात आला. हॉस्पिटल परिसरात बघ्यांनी मोठी गर्दी केली होती. आत्महत्येचे नेमके कारण समजू शकले नाही.
