जिल्हा परिषदच्या वार्षिक क्रीडा महोत्सवातील बुद्धिबळ स्पर्धेस उत्साहात प्रारंभ

कोल्हापूर :-  कोल्हापूर जिल्हा परिषद अंतर्गत वार्षिक क्रीडा महोत्सवातील बुद्धिबळ स्पर्धा, जिल्हा परिषदेच्या प्रशासकीय इमारतीत आज उत्साहात प्रारंभ झाल्या.पुरुष व महिला विभागात स्वतंत्रपणे होत असलेल्या या बुद्धिबळ स्पर्धा स्विस लीग पद्धतीने जलद बुद्धिबळाच्या आंतरराष्ट्रीय नियमानुसार होत आहेत.

या बुद्धिबळ स्पर्धेचे उद्घाटन जिल्हा परिषद कोल्हापूरचे अतिरिक्त मुख्य कार्यकारी अधिकारी माननीय अजयकुमार माने व जिल्हा परिषद कोल्हापूरचे उपमुख्य कार्यकारी अधिकारी श्रीमती मनीषा देसाई यांच्या हस्ते बुद्धिबळाच्या पटावर चाल करून करण्यात आले.यावेळी जिल्हा ग्राम विकास यंत्रणेचे प्रकल्प संचालक श्रीमती सुषमा देसाई,प्रवीण हेरवाडे, व्ही.के. पाटील, प्रसाद बोरकर, सुशांत सूर्यवंशी, आंतरराष्ट्रीय पंच भरत चौगुले, स्पर्धेचे मुख्य पंच मनीष मारुलकर,ए. ए.सय्यद व रणजीत शिंदे इत्यादी उपस्थित होते.