no images were found
मराठी चित्रपटसृष्टीने प्रदीप पटवर्धनसारखा उमदा कलाकार गमावला
नाटक, चित्रपट, मालिका अशा तिन्ही क्षेत्रात त्यांनी आपल्या दमदार अभिनयाचा ठसा उमटविला. मुंबईतील गिरगाव इथल्या राहत्या घरी त्यांचं आज सकाळी (9 ऑगस्ट) हृदयविकाराच्या झटक्याने निधन झालं.
अभिनेते प्रदीप पटवर्धन यांच्या निधनाने संपूर्ण मराठी मनोरंजन विश्वावर दु:खाचा डोंगर कोसळला आहे. नाटक, चित्रपट, मालिका अशा तिन्ही क्षेत्रात त्यांनी आपल्या दमदार अभिनयाचा ठसा उमटविला. मुंबईतील गिरगाव इथल्या राहत्या घरी त्यांचं आज सकाळी (9 ऑगस्ट) हृदयविकाराच्या झटक्याने निधन झालं. अनेकांनी सोशल मीडियावर पोस्ट लिहित त्यांना श्रद्धांजली वाहिली. मुख्यमंत्री एकनाथ शिंदे यांनीसुद्धा ट्विट करत शोक व्यक्त केला आहे. मराठी रंगभूमीवरील मोरूची मावशी, बायको असून शेजारी, लग्नाची बेडी तसेच मराठी चित्रपटसृष्टीत आपल्या सहजसुंदर अभिनयाने रसिक प्रेक्षकांच्या हृदयावर अधिराज्य गाजवणारे सदाबहार अभिनेते प्रदीप पटवर्धन यांचे दुःखद निधन झाले.
