no images were found
बिर्याणी हॉटेलमधील बहादूर शाह जफर यांच्या फोटोमुळे वाद, संतापलेल्या तरुणांनी घुसून फाडले फोटो
कोल्हापूर : कोल्हापूरतल्या राजारामपुरी येथे असलेल्या बिर्याणी बाय किलो या बिर्याणी हॉटेलमध्ये लावण्यात एका फोटोमुळे वाद निर्माण झाला आहे. बहादूर शाह जफर या एका मुघलाचा फोटो लावण्याने संतापलेल्या कोल्हापूरकरांनी हॉटेलमध्ये घुसून हा फोटो रस्त्यावर आणून फाडला आहे. यावेळी हॉटेलमधील कर्मचारी आणि तरुणांमध्ये मोठी वादावादी झाल्याचे पाहायला मिळाले आहे.
दरम्यान, काल दिवसभर कोल्हापूरात हॉटेलमध्ये लावण्यात आलेला फोटो औरंगजेबाचा असल्याचा मॅसेज व्हायरल झाला होता. मात्र लावण्यात आलेला फोटो औरंगजेब नसून तो विसावा आणि शेवटचा मुघल सम्राट तसेच उर्दू कवी होता, अशी माहिती मिळाली आहे. मात्र एका मुघलाचा फोटो हॉटेलमध्ये लावण्यात आल्याने संतापलेल्या कोल्हापूरातील तरुणांनी थेट हॉटेलमध्ये घुसून फोटो फाडून टाकला.
