जागतिक फार्मासिस्ट दिनानिमित्त राज्यस्तरीय ई-लीफलेट स्पर्धेला उत्स्फूर्त प्रतिसाद

Oplus_131072

जागतिक फार्मासिस्ट दिनानिमित्त राज्यस्तरीय ई-लीफलेट स्पर्धेला उत्स्फूर्त प्रतिसाद
कोल्हापूर : श्री प्रिन्स शिवाजी मराठा बोर्डिंग हाऊस संचलित न्यू वुमेन्स कॉलेज ऑफ फार्मसी, कोल्हापूर यांच्या वतीने जागतिक फार्मासिस्ट दिनाचे औचित्य साधून २५ सप्टेंबर २०२६ रोजी आयोजित करण्यात आलेल्या राज्यस्तरीय हस्तनिर्मित ई-लीफलेट स्पर्धेला उत्स्फूर्त प्रतिसाद मिळाला. या स्पर्धेसाठी राज्यभरातून एकूण १२२ प्रवेशिका प्राप्त झाल्या.
या स्पर्धेत कोल्हापूर जिल्हा केमिस्ट असोसिएशनच्या इन्स्टिट्यूट ऑफ फार्मसी येथील अमोल गवाडे व सुभाष कुशवाहा यांनी प्रथम क्रमांक पटकावत ₹१,०००/- व प्रमाणपत्र मिळविले. अनिल ऊर्फ पिंटू मगदूम मेमोरियल फार्मसी कॉलेज, धारंगुट्टी येथील मिस्बाह बुराण व अलिशा दरगावळे यांनी द्वितीय क्रमांक मिळवून ₹७००/- व प्रमाणपत्र प्राप्त केले.
श्री प्रिन्स शिवाजी मराठा बोर्डिंग हाऊस संचालित न्यू वुमन्स कॉलेज ऑफ फार्मसी, कोल्हापूर येथील विद्यार्थिनी राजनंदिनी राऊत व सानिका राव यांनी उत्कृष्ट सादरीकरण करत तृतीय क्रमांक पटकावला. त्यांना ₹५००/- व प्रमाणपत्र देण्यात आले.
स्पर्धेतील प्रवेशिकांचे परीक्षण डॉ. झेड. जे. तांबोळी, प्राध्यापक, न्यू कॉलेज ऑफ फार्मसी, कोल्हापूर यांनी केले. स्पर्धेतील ई-लीफलेटचे प्रत्यक्ष परीक्षण तसेच विद्यार्थ्यांनी आपल्या तयार केलेल्या लीफलेटची संकल्पना, विषयाची मांडणी व सादरीकरण याचे स्पष्टीकरण दिल्यानंतर त्याआधारे अंतिम मूल्यमापन करण्यात आले.
न्यू वुमन्स कॉलेज ऑफ फार्मसीच्या विद्यार्थिनींनी राज्यस्तरीय स्पर्धेत मिळविलेल्या या यशाबद्दल महाविद्यालयाच्या प्राचार्य श्रीमती ए. आर. पुजारी यांनी विद्यार्थिनींचे अभिनंदन केले. या यशाबद्दल महाविद्यालयातील सर्व शिक्षक व शिक्षकेतर कर्मचाऱ्यांनीही विजेत्या विद्यार्थिनींचे कौतुक केले.