no images were found
चिंचपाडा रोडवर इमारतीत बिबट्या
कल्याण : कल्याण पूर्व येथील चिंचपाडा परिसरात बिबट्या शिरल्यामुळे नागरिकांमध्ये भीतीचे वातावरण निर्माण झाले आहे. गुरुवारी सकाळी चिंचपाडा रोडवरील श्रीराम अनुग्रह टॉवर येथे हा बिबट्या पोहोचला. पहाटे भक्ष्याच्या शोधात फिरत या ठिकाणी पोहोचला असण्याची शक्यता वर्तविण्यात येत आहे. स्थानिकांकडून याबाबत माहिती मिळताच वनविभाग कर्मचारी तातडीने घटनास्थळी पोहोचले. त्यांनी श्री राम अनुग्रह या सोसायटीच्या पहिल्या मजल्यावरील पॅसेज मध्ये त्याला अडकवून ठेवले. दरम्यान या बिबट्याने दोन नागरिकांना जखमी केलेले असून तीन जनावरांवर देखील हल्ला केल्याची माहिती समोर आली आहे. वन विभाग, केडीएमसी, अग्निशमन दल, प्राणी मित्र संघटना आदी घटनास्थळी दाखल असून बिबट्याला पकडण्याचे शर्थीचे प्रयत्न सुरू आहेत.
इमारतीतील तिघाजणांवर हल्ला करत हा बिबट्या इमारतीमध्ये शिरला. आता इमारतीमधील नागरिकाना रेस्क्यू करत बाहेर काढण्यात आले असून इमारत रिकामी केली असल्याची माहिती वन विभागचे अधिकारी आर. चन्ने यांनी दिली. काहीवेळात बिबट्याला वनविभागाकडून जेरबंद करण्यात येईल. परिसरात या घटनेमुळे घबराटीचे वातावरण पसरले आहे.
