no images were found
कलाकारांनी जागतिक पर्यावरण दिनानिमित्त सजग जीवनशैली आणि दैनंदिन शाश्वततेचा संदेश दिला
मुंबई: जागतिक पर्यावरण दिन आपल्याला दररोजच्या छोट्या पण महत्त्वाच्या सवयींमधून पृथ्वीची काळजी घेण्याची आठवण करून देतो. कचरा कमी करणे, संसाधनांची बचत करणे किंवा आपल्या दैनंदिन सवयींबाबत सजग राहणे अशा सामूहिक प्रयत्नांमुळे दीर्घकाळ टिकणारा बदल घडू शकतो. यंदा सोनी सबचे कलाकार इकबाल खान, करुणा पांडे आणि विवाना सिंग यांनी निसर्गाशी असलेले त्यांचे वैयक्तिक नाते सांगितले आणि आरोग्यदायी पर्यावरणासाठी ते आपल्या दैनंदिन जीवनात कोणत्या सजग सवयी पाळतात हे शेअर केले.
इकबाल खान, जो यादें मालिकेत डॉ. देव मेहता यांची भूमिका साकारतो, म्हणाला, “मी बोर्डिंग स्कूलमध्ये शिकलो, त्यामुळे संसाधनांचा अपव्यय न करण्याची शिस्त आम्हाला लहानपणापासून शिकवली गेली. पाणी किंवा वीज वाया घालवू नये, गरज नसताना दिवे आणि पंखे बंद करावेत हे खूप गंभीरपणे घेतले जायचे. आजही या सवयी माझ्यात इतक्या घट्ट रुजल्या आहेत की माझं कुटुंब कधी कधी माझ्या काटेकोरपणावर मजा करते. पण खरं सांगायचं तर, या छोट्या सवयी खूप महत्त्वाच्या आहेत आणि आपण सगळे थोडं सजग झालो तर खूप मोठा फरक पडू शकतो.”
करुणा पांडे, जी पुष्पा इम्पॉसिबल मध्ये पुष्पाची भूमिका करते, म्हणाली, “निसर्गात एक वेगळी शांतता आणि स्थिरता असते, जी गडबडीतल्या शहरी जीवनातही आपल्याला स्थिर ठेवते. मी गेल्या काही वर्षांत एक सवय लावली आहे – माझी स्वतःची पाण्याची बाटली आणि कापडी पिशवी नेहमी सोबत ठेवते, जेणेकरून सिंगल-यूज प्लास्टिकवर अवलंबून राहावं लागू नये. ही खूप छोटी गोष्ट आहे, पण रोज रोज ती करत राहिल्यावर ती आपोआप सवय बनते. मी घरातही शक्य तितक्या वस्तू पुन्हा वापरण्याचा किंवा वेगळ्या प्रकारे उपयोग करण्याचा प्रयत्न करते, कारण मला खरंच वाटतं की शाश्वततेची सुरुवात दैनंदिन छोट्या सवयींपासूनच होते.”
