शहरातील पथदिव्यांच्या सद्यस्थिती बाबत

Oplus_131072

शहरातील पथदिव्यांच्या सद्यस्थिती बाबत
कोल्हापूर : महाराष्ट्र शासनाच्या नगर विकास विभागामार्फत एल.ई.डी. पथदिवे बसविणेबाबत दि.०४ जून २०१८ रोजी निर्गमित करण्यात आलेल्या शासन निर्णयानुसार कोल्हापूर महानगरपालिका व एनर्जी इफिसीयेन्सी सर्व्हिसेस लिमिटेड (ई.ई.एस.एल. कंपनी) यांच्यामध्ये संपूर्ण शहरामध्ये एल.ई.डी. प्रकारातील पथदिवे बसविणे व त्याची ७ वर्षे देखभाल दुरुस्ती करणे याबाबत करार करण्यात आला. या करारानुसार ई.ई.एस.एल. कंपनीमार्फत कोल्हापूर शहरातील सर्व सोडियम दिवे, ट्यूब लाईट काढून त्याजागी नवीन एल.ई.डी. पथदिवे बसविण्यात आलेत. या कराराची मुदत जानेवारी २०२७ अखेर आहे.
ई.ई.एस.एल. कंपनीमार्फत मागील एक वर्षापासून एल.ई.डी. दिव्यांची देखभाल व दुरूस्तीचे काम समाधानकारक नाही. प्राप्त तक्रारीं त्वरित निर्गत करण्याच्या अनुषंगाने महापालिकेमार्फत ई.ई.एस.एल. कंपनीस वेळोवेळी पत्रव्यवहार करण्यात आला आहे. परंतु कंपनी मार्फत कोणत्याही प्रकारची ठोस उपाययोजना करण्यात आली नाही. शहरातील नागरिकांच्या दिवसेंदिवस वाढत्या बंद पथदिव्यांच्या तक्रारी विचारात घेता कंपनीसोबत महापालिकेचा असणारा करार रद्द करीत असलेबाबतची नोटीस देखील बजाविण्यात आलेली आहे.
महापालिकेच्यावतीने ई.ई.एस.एल. कंपनी सोबत असणारा करार रद्द करण्याबाबतची प्रक्रिया सुरु आहे. हि प्रक्रिया तातडीने पूर्ण करण्यात येवून नगरपालिका प्रशासन संचलनालय मार्फत नियुक्त संस्थेसोबत पथदिवे देखभाल दुरुस्ती बाबत इथून पुढे १० वर्ष कालावधी करिता करार करण्यास प्रस्तावीत आहे. लवकरच कोल्हापूर शहरतील सर्व बंद पथदिवे सुरु करण्यासाठी महापालिका कार्यवाही ठेवत आहे.