no images were found
नवीन पदभार स्वीकार पार्श्वभूमीवर आयुक्त के. मंजूलक्ष्मी यांनी घेतले काडसिद्धेश्वर स्वामीजींचे आशीर्वाद
कोल्हापूर महानगरपालिकेत गेली तीन वर्ष आयुक्त व प्रशासक म्हणून कामकाज पाहिलेल्या के. मंजूलक्ष्मी यांची नुकतीच पुणे महानगर येथे बदली झाली आहे. या पार्श्वभूमीवर त्यांनी श्रीक्षेत्र सिद्धगिरी संस्थान मठ, कणेरी येथे भेट देवून पुज्यश्री काडसिद्धेश्वर महास्वामीजी यांची भेट घेतली. यावेळी त्यांनी विविध विषयांवर पुज्यश्री काडसिद्धेश्वर स्वामीजींच्या सोबत चर्चा केली व भविष्यातील वाटचालीसाठी आशीर्वाद घेतले.
सिद्धगिरी कारागिर महाकुंभ नुकताच सिद्धगिरी मठावर पार पडला, या उत्सवात भारतातील १७ राज्यातून कारागिर सहभागी झाले. या उत्सवाला नियोजित कार्यक्रमामुळे बाहेर असल्यामुळे सहभागी होता आले नाही याची खंत आयुक्त यांनी यावेळी व्यक्त केली. यावेळी स्वामीजींनी भविष्यात कोल्हापूरच्या लोकप्रतिनिधींच्या पुढाकाराने कायमस्वरूपी असे प्रदर्शन कोल्हापुरात नेहमी भरावे यासाठी प्रयत्न करू असे सांगितले.
कोल्हापूर महानगरपालिकेत काम करत असताना त्यांनी घेतलेले विविध अनुभव यावेळी त्यांनी व्यक्त केले. महापालिकेचा पदभार स्वीकारला त्यावेळी मुख्य प्रशासक म्हणून त्यांनी विविध अंगानी शहराच्या विकासात दिलेले योगदान व वाटचाल सांगितली. तसेच त्या मुळच्या केरळच्या असल्यामुळे सिद्धगिरी मठातर्फे केरळ राज्यात राबविले समाजोपयोगी प्रकल्प व पूरग्रस्तांना मठामार्फात केलेली मदतकार्य याबद्दल गौरोवोद्गार हि काढले. भविष्यात हि मठामार्फत होणाऱ्या विविध लोककल्याणकारी उपक्रमात योगदान देण्याचा मानस हि त्यांनी यावेळी व्यक्त केला. यावेळी विवेक सिद्ध, सुजित पाटील, अनुराधा शिंदे व दयानंद डोंगरे उपस्थित होते.
